തിരുവനന്തപുരം: കോവളത്ത് അരക്കിലോ എംഡിഎംഎയുമായി യുവതി ഉൾപ്പെടെ നാല് പേർ അറസ്റ്റിൽ. ഒമ്പത് ഗ്രാം ഹൈബ്രിഡ് കഞ്ചാവ് ഉൾപ്പെടെ കണ്ടെടുത്തു. തിരുവനന്തപുരം സ്വദേശികളായ ശ്യാം, രശ്മി, നൗഫൽ, സഞ്ജയ് എന്നിവരാണ് അറസ്റ്റിലായത്. സിറ്റി ഡാൻസാഫ് സംഘമാണ് ഇവരെ പിടികൂടിയത്. ബൈപ്പാസിലെ കോവളം ജംഗ്ഷന് സമീപത്ത് വച്ച് നടത്തിയ പരിശോധനയിൽ അറസ്റ്റിലാവുകയായിരുന്നു.
യുവതിയുടെ മക്കളും സംഘത്തിനൊപ്പം ഉണ്ടായിരുന്നു. കുട്ടികളുമായി ഉല്ലാസയാത്ര പോയി മടങ്ങിവരുന്നുവെന്ന വ്യാജേനയാണ് സംഘം എത്തിയത്. കുട്ടികളുമായി ബെംഗളൂരുവിൽ നിന്ന് വരികയായിരുന്നു പ്രതികൾ. മയക്കുമരുന്ന് കടത്തുന്നുണ്ടെന്ന രഹസ്യവിവരത്തിന്റെ അടിസ്ഥാനത്തിലാണ് പരിശോധന നടത്തിയത്.
രണ്ട് ദിവസം മുമ്പാണ് ഇവർ ബെംഗളൂരുവിലേക്ക് പോയത്. തുടർന്ന് മയക്കുമരുന്നുമായി തമിഴ്നാട്ടിലേക്ക് എത്തി. ഇവിടെ നിന്നും സുഹ‍ൃത്തുക്കളായ മുഹമ്മദ് നൗഫലിനും സഞ്ജയിനുമൊപ്പം കന്യാകുമാരിയിൽ എത്തി. കന്യാകുമാരിയിൽ നിന്ന് തിരുവനന്തപുരത്തേക്ക് വരുമ്പോഴാണ് കോവളത്ത് വച്ച് പിടിയിലായത്.
