എറണാകുളം : കൊച്ചി നഗരത്തിലെ സ്വകാര്യ ബസ്സുകളുടെ മരണപ്പാച്ചിലിൽ ഇടപെട്ട് ഹൈക്കോടതി. നിയമലംഘനത്തിന് കനത്ത പിഴ ചുമത്തണമെന്ന് ഹൈക്കോടതി നിർദേശിച്ചു. നിയമലംഘനമാവർത്തിച്ചാൽ പിഴത്തുക വർധിപ്പിക്കണം.വീണ്ടും ആവർത്തിച്ചാൽ വാഹനങ്ങൾ പിടിച്ചെടുക്കണം.
ഇക്കാര്യത്തിൽ സർക്കാർ നിലപാട് അറിയിക്കണമെന്നും ഹൈക്കോടതി ആവശ്യപ്പെട്ടു. ഇത് കൂടാതെ ബസുകളുടെ സമയക്രമത്തിൽ മാറ്റം വരുത്തണമെന്നും ഹൈക്കോടതി നിർദേശിച്ചു. അത് കാലഘട്ടത്തിന്റെ ആവശ്യമാണെന്നും ഹൈക്കോടതി.സമയക്രമം പാലിക്കാൻ ബസുകൾ മരണപ്പാച്ചിൽ നടത്തുന്നു എന്ന് ഹൈക്കോടതി നിരീക്ഷിച്ചു.
നഗരപ്രദേശങ്ങളിൽ അഞ്ചു മിനിറ്റും, ഗ്രാമ പ്രദേശങ്ങളിൽ 10 മിനിറ്റും ബസ്സുകൾക്കിടയിൽ ഇടവേള വേണമെന്നും ഹൈക്കോടതി പറഞ്ഞു.
