കോഴിക്കോട്: ടൂറിസ്റ്റ് കേന്ദ്രത്തിൽ വെടിയുണ്ട കണ്ടെത്തി. ടൂറിസ് മാനേജ്മെന്റ് കമ്മിറ്റിയുടെ കീഴിലുള്ള കരിയാത്തുംപാറ ടൂറിസ്റ്റ് കേന്ദ്രത്തിൽ നിന്നാണ് വെടിയുണ്ട കണ്ടെത്തിയത്. സ്ഥലത്തെ ജീവനക്കാരാണ് വിനോദസഞ്ചാര കേന്ദ്രത്തിന്റെ ഗേറ്റിന് സമീപത്ത് നിന്ന് വെടിയുണ്ട കണ്ടെത്തിയത്. തുടർന്ന് പൊലീസിനെ വിവരമറിയിച്ചു. കൂരാച്ചുണ്ട് പൊലീസ് സ്ഥലത്തെത്തി പരിശോധന നടത്തി.
പൊലീസ് കസ്റ്റഡിയിലെടുത്ത വെടിയുണ്ട വിദഗ്ധ പരിശോധനയ്‌ക്ക് അയയ്‌ക്കും. മാവോയിസ്റ്റ് ഭീഷണിയുള്ള പ്രദേശമായതിനാൽ സ്ഥലത്ത് പരിശോധന ശക്തമാക്കിയിട്ടുണ്ട്.
