കൊച്ചി: ഒന്നാം ഓണദിനമായ ഉത്രാടനാളില്‍ സംസ്ഥാനത്ത് റെക്കോര്‍ഡ് മദ്യവില്‍പ്പന.ബെവ്‌കോ വഴി 137 കോടിയുടെ മദ്യമാണ് സംസ്ഥാനത്ത് വിറ്റത്. 2024ല്‍ ഇതേ ദിനം 126 കോടി രൂപയുടെ വില്‍പ്പനയാണ് നടന്നത്.
1.46 കോടിയുടെ മദ്യം വിറ്റ കരുനാഗപ്പള്ളി ബെവ്‌കോ ഔട്ട്‌ലെറ്റാണ് ഒന്നാം സ്ഥാനത്ത്. 1.24 കോടിയുടെ വില്‍പ്പനയുമായി കൊല്ലം ആശ്രാമം ഔട്ട്‌ലെറ്റാണ് രണ്ടാം സ്ഥാനത്ത്. മൂന്നാം സ്ഥാനത്തുള്ള മലപ്പുറം എടപ്പാള്‍ ഔട്ട്‌ലെറ്റിലെ വില്‍പ്പന 1.11 കോടിയാണ്.
മുൻ വർഷത്തേക്കാൾ 50 കോടിയിലധികം രൂപ കൂടുതലാണ് കഴിഞ്ഞ 10 ദിവസത്തെ ആകെ മദ്യ വില്‍പ്പന.
