കൊല്ലം: സ്കൂട്ടർ ബസിൽ ഇടിച്ച് പ്രതിശ്രുതവധുവിന് ദാരുണാന്ത്യം. തൊടിയൂർ സ്വദേശിനി അഞ്ജന (24) മരിച്ചത്. കൊല്ലം- തേനി ദേശീയപാതയിൽ ശാസ്താംകോട്ട ഊക്കൻമുക്ക് സ്‌കൂളിന് സമീപം രാവിലെ പത്തരയോടെയായിരുന്നു സംഭവം.
അഞ്ജന സഞ്ചരിച്ച സ്കൂട്ടറിൽ ഒരു സ്കൂൾ ബസ് തട്ടുകയും ഇതോടെ നിയന്ത്രണം വിട്ട സ്കൂട്ടർ, മറ്റൊരു ബസിൽ ഇടിക്കുകയായിരുന്നു. റോഡിൽ ഉരഞ്ഞ് നീങ്ങിയ സ്കൂട്ടർ ഭാഗികമായി കത്തിനശിച്ചു. അപകട സ്ഥലത്ത് വെച്ച് തന്നെ അഞ്ജന മരിച്ചിരുന്നു.
കരിന്തോട്ട സർവീസ് സഹകരണ ബാങ്കിലെ ക്ലർക്കാണ് യുവതി. കഴിഞ്ഞ തിങ്കളാഴ്ചയാണ് ജോലിയിൽ പ്രവേശിച്ചത്. ഒക്ടോബർ 19നായിരുന്നു വിവാഹം നിശ്ചയിച്ചത്.
