കോഴിക്കോട്: കോഴിക്കോട് ആർ ജെ ഡി പ്രവർത്തകന് വെട്ടേറ്റു. വടകര വില്യാപ്പള്ളി ടൗണിൽ വെച്ചാണ് സംഭവം. ആർ. ജെ.ഡി. വില്യാപ്പള്ളി പഞ്ചായത്ത് ജോ. സെക്രട്ടറി മനക്കൽ താഴെ കുനി എം.ടി. കെ. സുരേഷിനാണ് വെട്ടേറ്റത്. ലാലു എന്ന ശ്യാം ലാലാണ് വെട്ടിയത്. ഇയാളെ പൊലീസ് അന്വേഷിക്കുകയാണ് . പരിക്ക് സാരമുള്ളതല്ല.
നേരത്തെ ആർ. ജെ. ഡി യുവജന സംഘടനയുടെ പഠന ക്യാമ്പിന്റെ വേദി തീയിട്ട് നശിപ്പിച്ച സംഭവത്തിൽ ശ്യാം ലാലിനെതിരെ സുരേഷ് പരാതി നൽകിയിരുന്നു. സംഭവത്തിൽ വടകര പൊലീസിനെതിരെ ആര്‍ജെഡി രംഗത്തെത്തി.
