കണ്ണൂർ: ഇൻഡക്ഷൻ കുക്കറിൽ നിന്ന് ഷോക്കേറ്റ് 51കാരൻ മരിച്ചു. മുണ്ടേരി ഹരിജൻ കോളനി റോഡ് പാറക്കണ്ടി ഹൗസിൽ ഗോപാലന്റെ മകൻ കൊളപ്രത്ത് മനോജ് ആണ് മരിച്ചത്. കാർപ്പെൻ്ററാണ് മരിച്ച മനോജ്.
ഇന്നലെ രാത്രി 7.45 നാണ് സംഭവം. വീടിന്റെ അടുക്കളയിൽ വെച്ച് ഷോക്കേറ്റ് മനോജ് താഴെ വീണു കിടക്കുകയായിരുന്നു. ഉടൻ കണ്ണൂർ ജില്ലാ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പോസ്റ്റുമോർട്ടം ജില്ലാ ആശുപത്രിയിൽ നടക്കും. ചക്കരക്കൽ പൊലീസ് അസ്വാഭാവിക മരണത്തിന് കേസെയുത്ത് അന്വേഷണം ആരംഭിച്ചു.
