കണ്ണൂർ: തെരുവ് നായ ശല്യത്തിനെതിരായ നാടകം കളിക്കുന്നതിനിടെ നടനെ കടിച്ച നായയെ ചത്ത നിലയിൽ കണ്ടെത്തി. മയ്യിൽ കണ്ടെക്കൈപ്പറമ്പിലാണ് സംഭവം. നായയെ കൊന്നതാണെന്ന് ആരോപിച്ച് വായനശാലയ്‌ക്കെതിരെ മൃഗസ്നേഹി സംഘടനകൾ രംഗത്തെത്തിയിട്ടുണ്ട്.
ഞായറാഴ്ച രാത്രിയാണ് സംഭവം. കൃഷ്ണപിള്ള സ്മാരക വായന ശാലയിൽ ഏകാംഗ തെരുവ് നാടകം അവതരിപ്പിക്കുന്നതിനിടെയാണ് രാധാകൃഷ്ണന് കടിയേറ്റത്. കുട്ടിയെ നായ കടിക്കുന്നതാണ് നാടകത്തിന്റെ പ്രമേയം. നായ കുരയ്‌ക്കുന്ന ശബ്ദം നാടകത്തിൽ ഉണ്ടായിരുന്നു. ഈ സമയത്താണ് വായന ശാലയുടെ പിന്നിൽ നിന്നും ഒരു നായ ഓടിവന്ന് രാധാകൃഷ്ണന്റെ കാലിൽ കടിച്ചത്. നായ രാധാകൃഷ്ണന് സമീപം എത്തിയപ്പോൾ നാടകത്തിന്റെ ഭാഗമാണ് എന്നാണ് കാണികൾ ആദ്യം കരുതിയത്. നാടകം അവസാനിച്ച ശേഷം രാധാകൃഷ്ണൻ പരിയാരം മെഡിക്കൽ കോളജിൽ ചികിത്സ തേടി
