അമരാവതി: സ്വകാര്യ ട്രാവൽസ് ബസിന് തീപിടിച്ച് 20 യാത്രക്കാർ മരിച്ചു. ആന്ധ്രാപ്രദേശിലെ കർണൂൽ ജില്ലയിൽ വച്ചാണ് അപകടം. ബൈക്കുമായി കൂട്ടിയിടിച്ചതിനെ തുടർന്നാണ് തീപിടിത്തമുണ്ടായത്. 40 യാത്രക്കാരാണ് ബസിലുണ്ടായിരുന്നത്. ഇതിൽ 18 പേരെ രക്ഷപ്പെടുത്തിയിട്ടുണ്ട്. പുലർച്ചെ 3.30 ഓടെയാണ് തീപിടിത്തമുണ്ടായത്.
മൃതദേഹങ്ങൾ പൂർണമായും കത്തിക്കരിഞ്ഞ നിലയിലാണ്. യാത്രക്കാരുടെ വിവരങ്ങൾ ശേഖരിക്കാൻ തുടങ്ങിയിട്ടുണ്ട്. ബൈക്കുമായി കൂട്ടിയിടിക്കുകയും പിന്നീട് വൻ തീപിടിത്തമുണ്ടാവുകയുമായിരുന്നു. ഉടൻ തന്നെ വാഹനത്തെ മുഴുവനായും തീവിഴുങ്ങി.
ബസിന്റെ മുൻഭാഗത്താണ് ആദ്യം തീപടർന്നത്. പിൻഭാഗങ്ങളിൽ ഉണ്ടായിരുന്നവർ എമർജൻസി എക്സിറ്റ് വഴി പുറത്തേക്ക് കടന്നു. മഴയെ തുടർന്നാണ് അപകടമുണ്ടായത്. പ്രദേശവാസികൾ ചേർന്നാണ് രക്ഷാപ്രവർത്തനം നടത്തിയത്. മരണസംഖ്യ ഉയരാൻ സാധ്യതയുണ്ടെന്നാണ് വിവരം.
