വാഷിംഗ്ടൺ: യു.എസ് ആണവ പരീക്ഷണം ആണവ സ്ഫോടങ്ങൾ ഉണ്ടാകില്ലെന്ന് അമേരിക്കൻ അധികൃതർ. യുഎസ് ഊർജ്ജ സെക്രട്ടറി ക്രിസ് റൈറ്റാണ് ഈ കാര്യത്തിൽ വ്യക്തത വരുത്തിയിരിക്കുന്നത്.
നിലവിൽ നോൺ ക്രിട്ടിക്കൽ സ്ഫോടനങ്ങളാകും പരീക്ഷണാടിസ്ഥാനത്തിൽ നടത്തുന്ന്. 33 വർഷങ്ങൾക്കു ശേഷം അമേരിക്ക ആണവ ആയുധങ്ങൾ പരീക്ഷിക്കുന്നു എന്ന് ട്രംപ് കഴിഞ്ഞ ദിവസം സമൂഹ മാദ്ധ്യമങ്ങളിൽ പങ്കുവെച്ചിരുന്നു.
റഷ്യ ആണവ മിസൈൽ പരീക്ഷിച്ചതിന് പിന്നാലെയാണ് ട്രംപ് സൈനികർക്ക് നിർദേശം നൽകിയത്. കഴിഞ്ഞ ദിവസം ഒരു ടിവി ചാനലിനോട് സംസാരിക്കവെ, റഷ്യ, ചൈന, ഉത്തരകൊറിയ, പാകിസ്ഥാൻ എന്നീ രാജ്യങ്ങൾ ആണവ പരീക്ഷണങ്ങൾ നടത്തുന്നുണ്ടെന്നും ട്രംപ് അവകാശപ്പെട്ടു.
