ന്യൂഡൽഹി: രാജ്യതലസ്ഥാനത്തുണ്ടായ വൻ സ്ഫോടനത്തിന്റെ പശ്ചാത്തലത്തിൽ കേരളത്തിൽ സുരക്ഷ ശക്തമാക്കി. കോഴിക്കാേട്, തിരുവനന്തപുരം റെയിൽവേ സ്റ്റേഷനുകളിൽ പരിശോധന കർശനമാക്കി. ജനങ്ങൾ ജാഗ്രത പാലിക്കണമെന്ന് ഡിജിപി റവാഡ ചന്ദ്രശേഖർ പ്രത്യേകനിർദേശം നൽകിയിട്ടുണ്ട്.
ജനത്തിരക്കേറിയ സ്ഥലങ്ങളിലും കർശന പരിശോധന നടത്തിവരികയാണ്. സംശയാസ്പദമായ സാഹചര്യങ്ങളിൽ വസ്തുക്കളോ സാധനങ്ങളോ കണ്ടാൽ 112-ൽ അറിയിക്കണമെന്നും പൊലീസ് അറിയിച്ചു.
പ്രധാന സ്ഥലങ്ങളിലെല്ലാം സുരക്ഷ വർദ്ധിപ്പിച്ചു. ബസ് സ്റ്റാൻഡുകളിലും പരിശോധന നടക്കുന്നുണ്ട്. റെയിൽവേ സ്റ്റേഷനുകളിൽ നിന്ന് ദൃശ്യങ്ങൾ പകർത്തരുതെന്ന് ആർപിഎഫ് കർശന നിർദേശം നൽകി. കേരളം- കർണാടക അതിർത്തി പ്രദേശങ്ങളിലും സുരക്ഷ വർദ്ധിപ്പിച്ചിട്ടുണ്ട്.
