പാലക്കാട്: ഗർഭധാരണത്തിനും അലസിപ്പിക്കാനും യുവതിയെ നിർബന്ധിപ്പിച്ചത് രാഹുൽ മാങ്കൂട്ടത്തിൽ എംഎൽഎ. പുതിയതായി പുറത്തുവന്ന ഫോൺ സംഭാഷണവും വാട്സാപ്പ് ചാറ്റുമാണ് രാഹുൽ മാങ്കൂട്ടത്തിന് കുരുക്കാവുന്നത്.
മാസങ്ങൾക്ക് മുൻപ് രാഹുൽ മാങ്കൂട്ടത്തലിന്റെ ശബ്ദരേഖയും ചാറ്റുകളും പുറത്തുവന്നിരുന്നു. അന്ന് വിവാഹ വാഗ്ദാനം നൽകി പീഡിപ്പിച്ച ശേഷം ഗർഭിണിയായ യുവതിയെ അലസിപ്പിക്കാൻ നിർബന്ധിക്കുന്ന സംഭാഷണങ്ങളായിരുന്നു അത്. ഇതിന് പിന്നാലെ രാഹുലിനെ പാർട്ടിയിൽനിന്ന് മാറ്റിനിർത്തിയിരുന്നു. തനിക്ക് ഒരു കുട്ടി വേണം ഗർഭിണിയാവണം എന്ന് യുവതിയോട് രാഹു. ചാറ്റിൽ പറയുന്നുണ്ട്. ഫോൺ സംഭാഷണത്തിൽ ഗർഭം അലസിപ്പിക്കാൻ നിർബന്ധിക്കുന്നതും ഭീഷണിപ്പെടുത്തുന്നതും പരിഹസിക്കുന്നതുമാണുള്ളത്. എന്നാൽ ഇവയുടെ ആധികാരികത സ്ഥിരീകരിച്ചിട്ടില്ല.
ഫോൺ സംഭാഷണത്തിന്റെ പൂർണരൂപം
രാഹുൽ മാങ്കൂട്ടത്തിൽ: അപ്പോൾ നാളെ ഹോസ്പിറ്റലിൽ പോകും?
പെൺകുട്ടി: ഉം, ഡോക്ടറെ അറിയാം, അമ്മയ്‌ക്കൊക്കെ അറിയാവുന്ന ഡോക്ടറാണ്. എനിക്കൊരു പേടിയുണ്ട് അവിടേക്ക് പോകാൻ
രാഹുൽ മാങ്കൂട്ടത്തിൽ: ആ എവിടാ പോകാനുദേശിക്കുന്നത്?
പെൺകുട്ടി: എനിക്കാകെ വയ്യാതിരിക്കുകയാണ്, എനിക്ക് വൊമിറ്റിങ്ങുണ്ട് ഉണ്ട്. എനിക്ക് കുറച്ച് പ്രശ്‌നങ്ങളുണ്ട് അതിനകത്ത്.
രാഹുൽ മാങ്കൂട്ടത്തിൽ: എന്റെ പൊന്നുസുഹൃത്തേ, താനാദ്യം ഒന്ന് റിയലിസ്റ്റിക് ആയിട്ട് സംസാരിക്കൂ. എനിക്കീ ഡ്രാമ കാണിക്കുന്നവരെ എനിക്കിഷ്ടമേയല്ല.
പെൺകുട്ടി: എന്ത് ഡ്രാമ എന്നാണ് പറയുന്നത്. എനിക്ക് വയ്യാതിരിക്കുകയാണ്. എല്ലാരും ശ്രദ്ധിക്കുന്നുണ്ട്. എനിക്ക് വീട്ടിൽ പോയിട്ട് അമ്മയെ കണ്ടിട്ട് കരച്ചിൽ സഹിക്കാൻ പറ്റുന്നില്ല.
രാഹുൽ മാങ്കൂട്ടത്തിൽ: നിന്റെ ഈ ****** വർത്താനം ഒന്ന് ആദ്യം നിർത്തൂ.
പെൺകുട്ടി: എനിക്കിത് ചെയ്യാൻ വയ്യാ
രാഹുൽ മാങ്കൂട്ടത്തിൽ: ഞാൻ നിന്നോട് കഴിഞ്ഞ ദിവസം ഇതിനെപ്പറ്റി സംസാരിച്ചപ്പോ എന്നോട് പറഞ്ഞത് ഇന്ന് കൊണ്ട് ലോകം അവസാനിക്കാൻ പോവുകയല്ലല്ലോ, എനിക്കൊരൽപ്പം സമയം താ എന്നല്ലേ. പിന്നെ മൂന്ന് ദിവസായിട്ട് പ്രശ്‌നമൊന്നുമില്ല. നീ നിന്റെ കാര്യങ്ങളൊക്കെ ചെയ്ത് പോകുന്നു. പിന്നെ ഇപ്പോ ചോദിച്ചപ്പോ മാത്രം നിനക്ക് ചൂട് വന്നതെന്തിനാ.
പെൺകുട്ടി: എനിക്ക് വയ്യാഞ്ഞിട്ടാണ് ഞാൻ പതുക്കെ സംസാരിക്കുന്നത്. എനിക്ക് ഒരു പാട് ആരോഗ്യപ്രശ്‌നങ്ങളുണ്ട്. ഭക്ഷണം കഴിക്കാൻ പറ്റുന്നില്ല. എന്താ പറയാ. സ്‌മെല്ലൊന്നും എനിക്ക് അത്രയ്‌ക്ക് പിടിക്കുന്നില്ല. അങ്ങനെ ഒരൂപാട് പ്രശ്‌നങ്ങളുണ്ട്. എനിക്കിതാരോടും പറയാനൊന്നും പറ്റുന്നില്ല.
രാഹുൽ മാങ്കൂട്ടത്തിൽ: നീ ഈ ഡ്രാമ ഒന്ന് നിർത്ത്. ഈ ഒന്നാം മാസത്തിൽ എന്തൊക്കെയാ ഉണ്ടാവുക എന്ന് നമ്മക്കൊക്കെ അറിയാവുന്നതല്ലേ. ചുമ്മാ അങ്ങ് ഡ്രാമ കാണിക്കുകയാണ്.
പെൺകുട്ടി: നിങ്ങൾ കുറേ പേരെ കണ്ടിട്ടുണ്ടാകും. എനിക്ക് എന്റെ കാര്യമേ അറിയൂ. ആദ്യത്തെ മാസം അങ്ങനെയാണോ ഇങ്ങനെയാണോ എന്ന്.
രാഹുൽ മാങ്കൂട്ടത്തിൽ: താൻ ആദ്യം ഹോസ്പിറ്റലിൽ പോകൂ, എന്നിട്ടല്ലേ ബാക്കി കാര്യങ്ങൾ.
പെൺകുട്ടി: എന്തിനാണ് ഇങ്ങനെയൊരു മാറ്റം വരുന്നത്. ഇതാരുടെ പ്ലാനായിരുന്നു. എന്റെ പ്ലാനാണോ. ആർക്കാണ് കുഞ്ഞിനെ വേണം കുഞ്ഞിനെ വേണമെന്ന് പറഞ്ഞോണ്ടിരുന്നത്. ഞാനാണോ. ങേ, പിന്നെ നിങ്ങളെന്തിനാണ് ഈ ലാസ്റ്റ് മൊമന്റിൽ ഇങ്ങനെ മാറുന്നത്. നിങ്ങളെന്തിനാണ് എന്നെയിങ്ങനെ കൊല്ലാക്കൊല ചെയ്യുന്നത്.
രാഹുൽ മാങ്കൂട്ടത്തിൽ: നീ മാനേജ് ചെയ്യുന്നുണ്ടേ മാനേജ് ചെയ്‌തോ. എനിക്കതിൽ ഒരു ഇഷ്യുവും ഇല്ല.
പെൺകുട്ടി: എന്തിനാണ് കൊല്ലുന്ന കാര്യം പറഞ്ഞോണ്ടിരിക്കുന്നത്. നിങ്ങക്കല്ലേ ഇതിനെ വേണം എന്ന് പറഞ്ഞോണ്ടിരുന്നത്. എനിക്ക് പറ്റുമെന്ന് തോന്നുന്നില്ല.
രാഹുൽ മാങ്കൂട്ടത്തിൽ: അല്ല നിനക്കില്ലാത്ത പ്രശ്‌നം എന്താ എനിക്ക്.
പെൺകുട്ടി: ആരുടേയും സഹായമില്ലാതെ, ഒരു മനുഷ്യരുടെയും സഹായമില്ലാതെ ഇത് ചെയ്ത് തരുമെന്ന് തോന്നുന്നില്ല.
രാഹുൽ മാങ്കൂട്ടത്തിൽ: നീയാദ്യം ഹോസ്പിറ്റലിലേക്ക് പോകൂ, അവരൊറ്റയ്‌ക്ക് പറ്റില്ല എന്ന് പറയില്ലല്ലോ.
പെൺകുട്ടി: എനിക്കറിയില്ല, നിങ്ങളൊരുപാട് മാറി. ഇങ്ങനൊന്നും ആയിരുന്നില്ല.
രാഹുൽ മാങ്കൂട്ടത്തിൽ: ഇനി ഹോസ്പിറ്റലിൽ പോകാൻ ആരുടെ സഹായമാണ് വേണ്ടത്.
പെൺകുട്ടി: വേണ്ടാന്നാ ഞാൻ പറഞ്ഞത്, നിങ്ങക്കത് വേണം വേണം എന്ന് പറഞ്ഞിട്ട്. നിങ്ങളുടെ പ്ലാൻ തന്നെ ആയിരുന്നില്ലേ?
രാഹുൽ മാങ്കൂട്ടത്തിൽ: ആ പിന്നെ..!
