കാസർകോട്: ബൂത്ത് ലെവൽ ഓഫീസറെ മർദ്ദിച്ച സിപിഎം പഞ്ചായത്തംഗം അറസ്റ്റിൽ. ദേലംപാടി പഞ്ചായത്തംഗവും സിപിഐഎം പാണ്ടി ലോക്കൽ സെക്രട്ടറിയുമായ ആഡൂർ സുരേന്ദ്രനെയാണ് പൊലീസ് അറസ്റ്റ് ചെയ്തത്.
ദേലംപാടി പഞ്ചായത്ത് എട്ടാം വാർഡിലെ ബൂത്ത് ലെവൽ ഓഫീസറായിരുന്ന പി അജിത്തിന്റെ പരാതിയിലാണ് അറസ്റ്റ്. ബെവറേജസ് കോർപ്പറേഷൻ ബന്തടുക്ക ഔട്ട്ലെറ്റിലെ എൽഡി ക്ലാർക്കാണ് ബിഎൽഒയായ അജിത്ത്.
പറയഡുക്കയിൽ നടന്ന തീവ്രവോട്ടർപ്പട്ടിക പുനഃപരിശോധന ക്യാമ്പിനിടെയാണ് സുരേന്ദ്രൻ അജിത്തിനെ ആക്രമിച്ചത്. ബിഎൽഒ ഫോം കൃത്യമായി നൽകിയില്ലെന്ന് പറഞ്ഞ് ക്യാമ്പിൽ കയറിയായിരുന്നു മർദ്ദനം.
