തിരുവനന്തപുരം: രാജ്ഭവൻ ഇനി ലോക് ഭവൻ എന്ന പേരിൽ അറിയപ്പെടും. കേന്ദ്ര ആഭ്യന്തര മന്ത്രാലയത്തിന്റെ നിർദേശപ്രകാരമാണ് ഈ മാറ്റം. രാജ് ഭവനുകൾ രാജ്യത്തുടനീളം ലോക്ഭവനുകളായും ലെഫ്റ്റന്റ് ഗവർണർമാരുടെ ഔദ്യോഗിക വസതിയായ രാജ് നിവാസുകൾ ലോക് നിവാസുകളായും പുനർനാമകരണം ചെയ്യും.
പുതിയ മാറ്റത്തെ ഗവർണർ രാജേന്ദ്ര അർലേക്കർ സ്വാഗതം ചെയ്തു. കൊളോണിയല് മനോഭാവത്തില് നിന്ന് ജനാധിപത്യ മനോഭാവത്തിലേക്കുള്ള സുപ്രധാനമായ മാറ്റത്തിന്റെ പ്രതീകമാണ് ഈ തീരുമാനമെന്ന് ഗവർണർ രാജേന്ദ്ര അർലേക്കർ പറഞ്ഞു.
2022-ൽ നടന്ന അഖിലേന്ത്യ സമ്മേളനത്തിലാണ് രാജ്ഭവനുകൾക്ക് ലോക്ഭവൻ എന്ന പേര് നൽകണമെന്ന നിർദേശം ആദ്യമായി മുന്നോട്ടുവച്ചത്. രാജ്ഭവന് പൊതുജനങ്ങള്ക്ക് കൂടുതല് പ്രാപ്യമാകുന്ന തരത്തില് നിരവധി ജനപങ്കാളിത്ത പരിപാടികള് രാജ്ഭവനില് സംഘടിപ്പിച്ചിരുന്നു.
ലോക്ഭവൻ എന്ന പേര് അന്വർത്ഥമാക്കുന്നതിന് കേരളത്തിലെ ജനങ്ങൾ ഒരുമിച്ച് നിൽക്കണമെന്നും ഗവർണർ പറഞ്ഞു.
