കൊച്ചി: വോട്ടര് പട്ടികയില് പേരില്ലാത്തതിനാൽ തദ്ദേശ തെരഞ്ഞെടുപ്പിൽ നടന് മമ്മൂട്ടിക്ക് വോട്ട് ചെയ്യാനായില്ല. പൊന്നുരുന്നിയിലെ സികെസി എല്പി സ്കൂളിലെ നാലാം ബൂത്തിലായിരുന്നു മുൻ തെരഞ്ഞെടുപ്പുകളിൽ മമ്മൂട്ടി വോട്ട് ചെയ്തിരുന്നത്.
595 തദ്ദേശസ്ഥാപനങ്ങളിലെ 11,168 വാർഡുകളിലേക്കാണ് ഇന്ന് തെരഞ്ഞെടുപ്പ് നടക്കുന്നത്. പതിവിന് വിപരീതമായി വോട്ടർമാരുടെ നീണ്ട നിര രാവിലെ തന്നെ പോളിങ് ബുത്തുകളിൽ കാണാവുന്നതാണ്. പോളിങ് ഒരു മണിക്കൂർ പിന്നിടുമ്പോൾ 7.5 ശതമാനം പേർ സമ്മതിദാനാവകാശം വിനിയോഗിച്ചു. എറണാകുളത്ത് 8.5 ശതമാനവും പത്തനംതിട്ട, ആലപ്പുഴ, കോട്ടയം ജില്ലകളിൽ എട്ടുശതമാനവുംതിരുവനന്തപുരം, കൊല്ലം ജില്ലയിൽ ഏഴു ശതമാനവും വോട്ട് രേഖപ്പെടുത്തി.
