വിവാഹഒരുക്കങ്ങൾ പോലെ ഇന്ന് വധൂവരന്മാർക്ക് നിർബന്ധമാണ് പ്രീവെഡ്ഡിംഗ് ഫോട്ടോഷൂട്ടും. സേവ് ദി ഡേറ്റ് എന്ന ആശയത്തിൽ നിന്ന് തുടങ്ങി, ഇപ്പോൾ സിനിമ പോലെ വരെ ആളുകൾ പ്രീവെഡ്ഡിംഗ് ഫോട്ടോഷൂട്ടും വീഡിയോയും എടുക്കുന്നു. ഓരോ ചിത്രങ്ങളിലും പുത്തൻ ആശയങ്ങളും വ്യത്യസ്തമായ ലൊക്കേഷനും കണ്ടെത്താൻ വീഡിയോഗ്രാഫേഴ്സ് പ്രത്യേകം ശ്രദ്ധിക്കാറുണ്ട്.
വധൂവരന്മാരെ മാത്രം ഉൾപ്പെടുത്തിയുള്ള ഫോട്ടോഷൂട്ടിൽ ഇന്ന് അവരുടെ സുഹൃത്തുക്കളും കസിൻസുമൊക്കെ കാണാറുണ്ട്. വീഡിയോയുടെ ഭംഗി കൂട്ടാനും ഒറിജിനാലിറ്റി ഉണ്ടാകാനുമൊക്കെയാണ് ഇത്തരത്തിൽ കുടുംബാംഗങ്ങളെയും സുഹൃത്തുക്കളെയും ഉൾപ്പെടുത്തുന്നത്. വിവാഹക്ഷണത്തിലും സോഷ്യൽമീഡിയയിലും പങ്കുവയ്ക്കാനാണ് ഫോട്ടോഷൂട്ട് എടുക്കുന്നത്. പ്രീവെഡ്ഡിംഗ് ഫോട്ടോഷൂട്ടിന് പ്രധാനമായും ശ്രദ്ധിക്കുന്നത് എന്തൊക്കെയെന്ന് നോക്കാം.
തീമുകൾ- നാടൻ വേഷമണിഞ്ഞ് നാട്ടുപുറം പശ്ചാത്തലമാക്കിയുള്ള ഫോട്ടോഷൂട്ടാണ് കൂടുതൽ പേർക്കും ഇഷ്ടം. മോഡൻ സ്റ്റൈലിലും ഫോട്ടോഷൂട്ട് എടുക്കുന്നു. സിനിമാറ്റിക് രീതി, പഴയകാല ഓർമങ്ങൾ, പ്രകൃതിയുടെ മനോഹരിത നിറഞ്ഞ പശ്ചാത്തലം എന്നിവയൊക്കെ തീമായി തെരഞ്ഞെടുക്കാറുണ്ട്.
ലൊക്കേഷനുകൾ- ബീച്ചുകൾ, പൂന്തോട്ടങ്ങൾ, പഴയകെട്ടിടങ്ങൾ, നഗരവീഥികൾ, ടൂറിസ്റ്റ് സ്ഥലങ്ങൾ എന്നിവയാണ് അധികം ആളുകളും തെരഞ്ഞെടുക്കുന്നത്.
