ഇടുക്കി: അഴിമതിയിൽ മുങ്ങിയ സിപിഎമ്മിനെ തള്ളിയ വോട്ടർമാരെ അധിക്ഷേപിച്ച് മുൻ മന്ത്രിയും എംഎൽഎയുമായ എംഎം മണി. പെൻഷൻ വാങ്ങി ശാപ്പാട് കഴിച്ചിട്ട് എൽഡിഎഫിനെതിരെ വോട്ട് ചെയ്തുവെന്നാണ് എം എം മണിയുടെ പ്രതികരണം. കനത്ത തോൽവിക്ക് പിന്നാലെയുള്ള സിപിഎം നേതാവിന്റെ ആദ്യ പ്രതികരണമാണിത്.
നല്ല ഒന്നാന്തരം പെൻഷൻ വാങ്ങിയിട്ട് ഭംഗിയായി ശാപ്പാടും കഴിച്ച ശേഷം നല്ല ഭംഗിയായി നമുക്കിട്ടുവച്ചു എന്നാണ് തോന്നുന്നത്. നൈമിഷികമായ വികാരത്തിനടിപ്പെട്ടാണ് വോട്ട് ചെയ്തത്. നന്ദികേടാണ് കാണിച്ചത്. റോഡ്, പാലം, ക്ഷേമപ്രവർത്തനങ്ങൾ കേരളത്തിന്റെ ചരിത്രത്തിൽ ഇതുപോലെ നടന്നിട്ടില്ല. പെൻഷൻ വാങ്ങി എതിരായി വോട്ട് ചെയ്തു. ഒരു മര്യാദ കാട്ടേണ്ടേയെന്നും എംഎം മണി പറഞ്ഞു.
