തിരുവനന്തപുരം: തിരുവനന്തപുരം കോർപ്പറേഷനിൽ വാഗ്ദാനങ്ങൾ നടപ്പാക്കി ബിജെപി മുന്നോട്ട്. നഗരത്തിലെ തെരുവ് നായ പ്രശ്നങ്ങൾക്ക് പരിഹാരം കാണാൻ ആദ്യഘട്ട നടപടി ആരംഭിച്ചു. മെഡിക്കൽ കോളജ്, ജനറൽ ആശുപത്രി അടക്കം വിവിധ പ്രദേശങ്ങളിൽ നിന്നും പിടിച്ച 50 നായ്ക്കളെ ഷെൽട്ടറിലേക്ക് മാറ്റി. അനിമൽ വെൽഫയർ ബോർഡിന്റെ മാനദണ്ഡ പ്രകാരമാണ് കോർപ്പറേഷൻ തെരുവ് നായകളെ ഷെൽട്ടറിലേക്ക് മാറ്റുന്നതെന്ന് മേയർ. വി. വി രാജേഷ് അറിയിച്ചു.
പൂവാറിലെ സ്വകാര്യ ഷെൽട്ടറിലേക്കാണ് ഇവയെ മാറ്റിയത്. അനിമൽ വെൽഫയർ ബോർഡിന്റെ ഉദ്യോഗസ്ഥരുടെ റിപ്പോർട്ടിന്റെ അടിസ്ഥാനത്തിലാണ് ഇന്നലെ വൈകുന്നേരം നായക്കളെ മാറ്റയത്.
തിരുവനന്തപുരം കോർപ്പറേഷനിൽ തെരുവ് നായ ശല്യം രൂക്ഷമാണ്. തെരുവ് നായ ശല്യത്തിന് ശ്വാശ്വത പരിഹാരം ബിജെപിയുടെ പ്രധാന തെരഞ്ഞെടുപ്പ് വാഗ്ദാനമായിരുന്നു. സത്യപ്രതിജ്ഞയ്ക്ക് പിന്നാലെ ജനുവരി അവസാനത്തോടെ ആദ്യഘട്ട നടപടി തുടങ്ങുമെന്നും മേയർ വി. വി രാജേഷ് വ്യക്തമാക്കിയിരുന്നു. ഇതാണ് ഇപ്പോൾ നടപ്പായത്.
