ദുബായ് : ആയുർവേദം, യോഗ, പ്രകൃതി ചികിത്സ, യൂനാനി, സിദ്ധ തുടങ്ങിയ പരമ്പരാഗത ബദൽ വൈദ്യശാസ്ത്ര സംവിധാനങ്ങൾ ലോകത്തിനു പരിചയപ്പെടുത്തുന്നതിന് വേണ്ടി യുഎഇയിൽ വച്ച് നടത്തുന്ന മൂന്നാമത് ആയുഷ് കോൺഫറൻസ് ആൻഡ് എക്സിബിഷനിൽ ഫെബ്രുവരി 16ന് ഷോർട്ട് ഫിലിം ഫെസ്റ്റിവൽ അരങ്ങേറും.
സമ്മേളനത്തിന്റെ ദുബായ് വേദിയിൽ ഫെബ്രുവരി 16ന് രാവിലെ 9 മുതൽ 5മണിവരെയാണ് ഷോർട്ട് ഫിലിം ഫെസ്റ്റിവൽ. രണ്ട് സെഷനുകളിലായി 15 ഹ്രസ്വ ചിത്രങ്ങൾ ഇതിൽ പ്രദർശിപ്പിക്കപ്പെടും.
അനിൽകുമാർ നിർമ്മിച്ച് വിനോദ് മങ്കര സംവിധാനം ചെയ്ത “ആയുർവേദ ദി ഡബിൾ ഹെലിക്സ് ഓഫ് ലൈഫ്” എന്ന ഹ്രസ്വചിത്രത്തിന്റെ പ്രത്യേക പ്രദർശനവും ഇതിനോടൊപ്പം ഉണ്ടായിരിക്കും. ഡോക്യുമെന്ററി സിനിമകൾക്ക് നിരവധി അവാർഡുകൾ നേടിയിട്ടുള്ള ആളാണ് വിനോദ് മങ്കര.
