കടുങ്ങലൂർ : ഗണേഷ് കുമാർ ഒരു ‘ലോക ചതിയൻ’ ആണെന്നും അദ്ദേഹത്തിന്റെ രാഷ്ട്രീയ പാരമ്പര്യം തന്നെ ചതിയുടേതാണെന്നും തുറന്നടിച്ച് വെള്ളാപ്പള്ളി നടേശൻ.
:ഗണേഷ്കുമാറിന്റെ രാഷ്ട്രീയ പാരമ്പര്യം ചതിയുടേതാണ്. ചതിവിന്റെ പ്രതിഫലമായിട്ട് കിട്ടിയതാണ് മന്ത്രി സ്ഥാനം.
സദാചാര ബോധമില്ലാത്തയാളാണ് ഗണേഷ് കുമാർ. ചതിയിലൂടെ വന്നയാളാണ് ഗണേഷ് കുമാർ. അച്ഛനെ ചതിച്ചു ,പെങ്ങളെയും ,അളിയനെയും ചതിച്ചു ,സിനിമാ നടിയുടെ ട്രസ്റ്റിന്റെ പണം മുഴുവൻ കൈക്കലാക്കി, ചതിക്കുന്നയാൾക്ക് എല്ലാം ചതിയാണെന്നു തോന്നും”; വെള്ളാപ്പള്ളി നടേശൻപറഞ്ഞു.
എൻ എസ് എസ് – എസ് എൻ ഡി പി ഐക്യ നീക്കത്തിന് പിന്നിൽ ചതിയുണ്ടെന്ന മന്ത്രി കെ ബി ഗണേഷ് കുമാറിന്റെ പ്രസ്താവനയ്ക്ക് പിന്നാലെയാണ് ഗണേഷ്കുമാർ നടത്തിയ ചതികളുടെ വിശദാമാശങ്ങൾ സൂചിപ്പിച്ച് എസ് എൻ ഡി പി യോഗം ജനറൽ സെക്രട്ടറി വെള്ളാപ്പള്ളി നടേശൻ രംഗത്ത് വന്നത്.
