ന്യൂഡൽഹി: തോക്കുപയോഗിച്ച് റീൽസ് ചിത്രീകരിക്കുന്നതിനിടെ യുവാവ് സ്വന്തം കൈകൊണ്ട് വെടിയേറ്റ് മരിച്ചു. 28 കാരനായ പവൻ കുമാറാണ് മരിച്ചത്. തെക്കൻ ഡൽഹിയിലാണ് സംഭവം. പിസ്റ്റളിൽ തിര നിറയ്ക്കാൻ ശ്രമിക്കുന്നതിനിടെ അബദ്ധത്തിൽ കാഞ്ചി വലിക്കുകയായിരുന്നു. ഈ സമയം തൊട്ടടുത്തിരുന്ന ബന്ധുവായ യുവാവ് ഈ ദൃശ്യങ്ങൾ മൊബൈൽ ഫോണിൽ പകർത്തിക്കൊണ്ടിരിക്കുകയായിരുന്നു.
സോഷ്യൽ മീഡിയയിൽ വൈറലായ ഈ വീഡിയോയിൽ, പവൻ ലോഡ് ചെയ്യാൻ പാടുപെടുന്നതും, പെട്ടെന്ന് വെടി പൊട്ടുന്നതും യുവാവ് താഴെ വീഴുന്നതും കാണാം. പവന്റെ ബന്ധുവായ ഹിമാൻഷു തോക്ക് കൈകാര്യം ചെയ്യുന്നതിനെക്കുറിച്ച് ഉപദേശിക്കുന്നതും കേൾക്കാം.
തോക്ക് ശരിയായി കൈകാര്യം ചെയ്യുന്നതിൽ വന്ന പിഴവാണ് മരണകാരണമെന്ന് പ്രാഥമിക നിഗമനം. സംഭവത്തിൽ ഡൽഹി പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. യുവാവിന് എങ്ങനെയാണ് തോക്ക് ലഭിച്ചതെന്ന് പോലീസ് പരിശോധിച്ചുവരികയാണ്. ദൃശ്യങ്ങൾ പകർത്തിയ ബന്ധുവിനെ ചോദ്യം ചെയ്തു
