ഇലക്ട്രോണിക്സ് കടയിൽ രഹസ്യവിവരത്തെ തുടർന്ന് പരിശോധന; പിടിച്ചെടുത്തത് വിദേശ കറൻസികളുടെ വൻ ശേഖരം

കണ്ണൂർ: നിയമവിരുദ്ധമായി വിദേശ കറൻസി വിനിമയം നടത്തിയ സംഭവത്തിൽ പോലീസ് നടത്തിയ പരിശോധനയിൽ വൻ തുക പിടിച്ചെടുത്തു.  കൂത്തുപറമ്പ് ബോംബെ ടോയ്സ് എന്ന ഇലക്ട്രോണിക്സ് കടയിൽ നിന്നാണ് പണം കണ്ടെടുത്തത്. വിദേശ കറൻസികൾ കൈവശം വയ്‌ക്കുകയും അനധികൃതമായി വിനിമയം നടത്തുകയും ചെയ്യുന്നുവെന്ന രഹസ്യവിവരത്തെ തുടർന്ന് നടത്തിയ പരിശോധനയിലാണ് പണവും രേഖകളും കണ്ടെടുത്തത്

കടയിൽ നടത്തിയ പരിശോധനയിൽ ഒമാൻ, യുഎഇ, ഖത്തർ, സൗദി അറേബ്യ എന്നീ രാജ്യങ്ങളിലെ വിദേശ കറൻസികൾക്ക് പുറമെ 4,57,720 രൂപയുടെ ഇന്ത്യൻ കറൻസിയും പോലീസ് സംഘം കണ്ടെടുത്തു.