മുബൈ: മുബൈയിലെ എൽഫിൻസ്റ്റൺ റോഡ് പാലം പൊളിച്ചുനീക്കുന്ന നടപടികൾ പൂർത്തിയായി. എം.എം.ആർ.ഡി.എ നടപ്പിലാക്കുന്ന 4.5 കിലോമീറ്റർ ദൈർഘ്യമുളള സിവ്രി-വോർളി എലിവേറ്റഡ് കോറിഡോറിന് വഴിയൊരുക്കുന്നതിനാലാണ് ഈ പഴയ പാലം പൊളിച്ചുനീക്കിയത്.
പരേലിനും കറി റോഡ് സ്റ്റേഷനുകൾക്കിടയിലുള്ള അവസാന 132 മീറ്റർ പാതയും കഴിഞ്ഞ ദിവസം അധികൃതർ നീക്കം ചെയ്തു. മഹാരാഷ്ട്ര സർക്കാരും റെയിൽവേ മന്ത്രാലയവും ചേർന്നുളള സംയുക്ത സംരംഭമായ എം.ആർ.ഐ.ഡി.സി. ആണ് പൊളിക്കൽ നടപടികൾക്ക് നേതൃത്വം നൽകുന്നത്.
റെയിൽവേ ഗതാഗതം തടസ്സപ്പെടാതിരിക്കാൻ പ്രത്യേക മുൻകരുതലുകൾ എടുത്തിരുന്നു. 1913-ൽ ഗ്രേറ്റ് ഇന്ത്യൻ പെനിൻസുല റെയിൽവേ ആണ് ഈ പാലം നിർമ്മിച്ചത്. 113 വർഷത്തെ സേവനത്തിന് ശേഷം 2025 സെപ്റ്റംബറിലാണ് ഇത് അടച്ചത്.
പഴയ പാലത്തിന് പകരമായി അവിടെ അത്യാധുനികമായ ഒരു ഡബിൾ ഡെക്കർ പാലം ഉയരും. ഇത് റെയിൽവേ ട്രാക്കുകൾക്ക് കുറുകെയുളള കിഴക്ക്- പടിഞ്ഞാറ് മേഖലകളെ ബന്ധിപ്പിക്കുന്ന പ്രധാന പാതയെ കൂടുതൽ സൗകര്യങ്ങളോെടെ പുനസ്ഥാപിക്കും.
പഴയ പാലം പൂർണ്ണമായും നീക്കം ചെയ്തതോടെ മേഖലയിലെ പുതിയ പ്രവർത്തനങ്ങൾ വേഗത്തിലാകും.
