തിരുവനന്തപുരം : വേനൽക്കാലത്ത് അധിക തിരക്ക് ഒഴിവാക്കാൻ നാഗർകോവിൽ- ഷാലിമാർ റൂട്ടിൽ എക്സ്പ്രസ് സ്പെഷ്യൽ ട്രെയിനുകൾ (ട്രെയിനുകൾ ഓൺ ഡിമാൻഡ്) സർവീസ് നടത്തുമെന്ന് ദക്ഷിണ റെയിൽവേ. ട്രെയിൻ നമ്പർ 06057/06058 നാഗർകോവിൽ – ഷാലിമാർ – നാഗർകോവിൽ എക്സ്പ്രസ് ട്രെയിനുകൾ 15 – 18 തിയതികളിൽ സർവീസ് നടത്തും.
06057 നാഗർകോവിൽ – ഷാലിമാർ എക്സ്പ്രസ് 15ന് പകൽ 11.40 ന് നാഗർകോവിലിൽ നിന്ന് പുറപ്പെട്ട് 18ന് ഉച്ചയ്ക്ക് 2.30 ന് ഷാലിമാറിൽ എത്തിച്ചേരും. തിരികെ 06058 ഷാലിമാർ – നാഗർകോവിൽ എക്സ്പ്രസ് സ്പെഷ്യൽ 18 (ശനി) ഉച്ചയ്ക്ക് 2ന് ഷാലിമാറിൽ നിന്ന് പുറപ്പെട്ട് 21ന് വൈകിട്ട് 5:30 ന് നാഗർകോവിലിൽ എത്തിച്ചേരും.
1- എസി ടു ടയർ കോച്ച്, 2- എസി ത്രീ ടയർ കോച്ചുകൾ, 10- സ്ലീപ്പർ ക്ലാസ് കോച്ചുകൾ, 6- ജനറൽ സെക്കൻഡ് ക്ലാസ് കോച്ചുകൾ & 2- സെക്കൻഡ് ക്ലാസ് കോച്ചുകൾ എന്നിങ്ങനെയാണ് കോച്ച് കോമ്പോസിഷൻ. തിരുവനന്തപുരം സെൻട്രൽ, കൊല്ലം, കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, എറണാകുളം ടൗൺ, ആലുവ, തൃശൂർ, പാലക്കാട് എന്നിവിടങ്ങളിൽ സ്റ്റോപ്പുണ്ടാകും..
