മുഖ്യമന്ത്രി പിണറായി വിജയന്റെ മകൻ വിവേക് വിജയൻ ഗുരൂവായൂർ ക്ഷേത്രത്തിൽ കുടുംബസമേതം ‘രഹസ്യ ദർശനം’ നടത്തിയത് സോഷ്യൽ മീഡിയയിലും വലിയ ചർച്ചയാണ്. ‘ദേവസ്വം ഗുണ്ട’കളുടെ സംരക്ഷണ വലയിത്തിലാരുന്നു മുഖ്യമന്ത്രി പുത്രൻ ക്ഷേത്രത്തിൽ എത്തിയത്. ദൃശ്യങ്ങൾ പകർത്തിയ ജനം ടിവി റിപ്പോർട്ടറെ ‘ദേവസ്വം ഗുണ്ടകൾ’ കയ്യേറ്റം ചെയ്യുകയും വീഡിയോ ഡിലീറ്റ് ചെയ്യിപ്പിക്കുകയും ചെയ്തു .ജനം ടിവിയുടെ ഗുരുവായൂര് പ്രതിനിധി രാജു ഗുരുവായൂരിനാണ് മര്ദനമേറ്റത്. ഇന്നലെ വൈകുന്നേരമാണ് ഇവർ ക്ഷേത്രത്തിൽ എത്തിയത്. മുൻ ഡിജിപി ടി. പി സെൻകുമാർ ഇത് സംബന്ധിച്ച് നടത്തിയ നീരീക്ഷണം വായിക്കാം….
അവിടെയാണോ നിങ്ങളുടെ കൃഷ്ണൻ ഇരിക്കുന്നത്” എന്ന് ചോദിച്ച മുഖ്യമന്ത്രി ശ്രീ പിണറായി വിജയന് അദ്ദേഹത്തിന്റെ മകനും കുടുംബവും തന്നെ ഉത്തരം നൽകിയിരിക്കുന്നു.
മകനും കുടുംബവും ഗുരുവായൂരപ്പനെ ദർശിച്ചു മടങ്ങി. ദർശനം എന്തിനുവേണ്ടിയുള്ളതായിരുന്നു എന്നുള്ളത് പ്രത്യേകിച്ചും വോട്ടെണ്ണൽ 4 ആം തീയതി ആയിരിക്കുമ്പോൾ വളരെ സ്വാഭാവികമാണ്. ഏതായാലും ഒരു കാര്യം ഉറപ്പിക്കാം. ഇനി ശ്രീ പിണറായി വിജയന് മകനോട് ചോദിച്ചാൽ മതി – കൃഷ്ണൻ എവിടെയാണ് ഇരിക്കുന്നത് എന്ന് മകനറിയാം. കൃഷ്ണൻ എല്ലായിടത്തും ഉണ്ട് കേട്ടോ ശ്രീ പിണറായി വിജയൻ? തൂണിലും തുരുമ്പിലും എല്ലാം കൃഷ്ണൻ വസിക്കുന്നു. അതിപ്പോൾ മകനു മനസ്സിലായിക്കാണും.
ഇതുപോലെതന്നെയാണ് ശ്രീ വി.എസ് അച്യുതാനന്ദന്റെ മകൻ അരുൺ കുമാറും. അദ്ദേഹവുമൊത്തു പല പ്രാവശ്യം ഞാൻ ശബരിമലയിൽ ദർശനം നടത്തിയിട്ടുണ്ട്. അപ്പോൾ ഹിന്ദു മതത്തെ ഇത്രയധികം പുറകോട്ടടിച്ച ഈ നേതാക്കളുടെ മക്കൾ എന്തുകൊണ്ട് ദൈവ വിശ്വാസികളായിമാറുന്നു ? അത് ആദ്യം അവരൊന്ന് ചർച്ച ചെയ്യട്ടെ. പാർട്ടി സെക്രട്ടറി എം വി ഗോവിന്ദനും , എം ഏ ബേബിയും , അതുപോലെ ഡബിൾ ഏ റഹീമും ഒക്കെ ചർച്ച ചെയ്യേണ്ട കാര്യങ്ങളാണ് തങ്ങളുടെ പാർട്ടി നേതാക്കളുടെ മക്കൾ എന്തുകൊണ്ട് ഹിന്ദു ഈശ്വര വിശ്വാസികളായി മാറുന്നു എന്നുള്ളത്.
