കോട്ടയം: പൂരപ്രേമികൾക്ക് സഹായഹസ്തവുമായി റയിൽവേ. തൃശൂർ പൂരം ദിവസമായ ഏപ്രിൽ 26 ഞായറാഴ്ച കോട്ടയം വഴി റിസർവ് ചെയ്യാത്ത മെമു സ്പെഷ്യൽ ട്രെയിൻ സർവീസ് ഉണ്ടായിരിക്കും. കൊല്ലം ജങ്ഷനും തൃശ്ശൂരിനും ഇടയിലാണ് മെമു സ്പെഷ്യൽ ട്രെയിനുകൾ സർവീസ് നടത്തുക.
ട്രെയിൻ നമ്പർ 06187 കൊല്ലം-തൃശ്ശൂർ മെമു സ്പെഷ്യൽ ഞായറാഴ്ച രാവിലെ 8.20-ന് കൊല്ലത്ത് നിന്ന് പുറപ്പെട്ട് ഉച്ചയ്ക്ക് 1.30-ന് തൃശ്ശൂരിൽ എത്തും.
സ്റ്റോപ്പ്: പെരിനാട് 8.30, ശാസ്താംകോട്ട 8.41, കരുനാഗപ്പള്ളി 8.51, ഓച്ചിറ 9.00, കായംകുളം 9.08 മാവേലിക്കര 9.17, ചെങ്ങന്നൂർ 9.28, തിരുവല്ല 9.37, ചങ്ങനാശ്ശേരി 9.46, ചിങ്ങവനം 9.55 , കോട്ടയം 10.03 , ഏറ്റുമാനൂർ 10.15, കുറുപ്പന്തറ 10.26, വൈക്കം റോഡ് 10.35, പിറവം റോഡ് 10.48, മുളന്തുരുത്തി 11.01, തൃപ്പൂണിത്തുറ 11.13, എറണാകുളം ടൗൺ 11.30, ഇടപ്പള്ളി 11.42 , കളമശ്ശേരി 11.50, അങ്കമാലി 12.08 , കൊരട്ടി അങ്ങാടി 12.13, ചാലക്കുടി 12.23, ഇരിങ്ങാലക്കുട 12.32, പുതുക്കാട് 12.44, ഒല്ലൂർ 12.53.
മടക്കയാത്ര ട്രെയിൻ നമ്പർ 06188 തൃശ്ശൂർ-കൊല്ലം മെമു സ്പെഷ്യൽ ഞായറാഴ്ച രാത്രി 9.30-ന് തൃശ്ശൂരിൽനിന്ന് പുറപ്പെട്ട് തിങ്കളാഴ്ച പുലർച്ചെ 2.30-ന് കൊല്ലം ജങ്ഷനിൽ എത്തും.
കേന്ദ്രമന്ത്രി സുരേഷ് ഗോപിയുടെ ഇടപെടലിനെ തുടർന്നാണ് റയിൽവേ തൃശൂർ പൂരത്തിന് സ്പെഷ്യൽ ട്രെയിൻ പ്രഖ്യാപിച്ചത്. ചരിത്രത്തിലാദ്യമായിട്ടാണ് തൃശ്ശൂർ പൂരത്തിന് സ്പെഷ്യൽ ട്രെയിൻ പ്രഖ്യാപിച്ചത്.
