ഐഎസ്എസ് ഓഫീസറും എഴുത്തുകാരനുമായ ഡോ. രാജു നാരായണ സ്വാമി രചിച്ച ‘ദി സാഗ ഓഫ് ജ്യോഗ്രഫിക്കൽ ഇൻഡിക്കേഷൻസ് എക്രോസ് ദി ഗ്ലോബ്’ ശ്രദ്ധ നേടുന്നു. ജിഐ ടാഗുകൾ സാമൂഹിക മൂലധനത്തെ എങ്ങനെ പ്രോത്സാഹിപ്പിക്കുന്നു, ഇതിനായി ഉൽപ്പാദക‍‍ർ മുതൽ സർക്കാർ സംവിധാനങ്ങൾ വരെ ഒത്തൊരുമിച്ച് പ്രവ‍‍ർത്തിക്കേണ്ടതിന്റെ ആവശ്യകത തുടങ്ങിയ കാര്യങ്ങൾ പുസ്തകം വിശദമാക്കുന്നുണ്ട്. ജിഐ സംബന്ധിക്കുന്ന അന്താരാഷ്‌ട്ര നിയമങ്ങളും നടപടികളും കേസുകളും ഇതിൽ വ്യക്തമാക്കുന്നുണ്ട്. ന്യൂയോർക്കിൽ നടന്ന ചടങ്ങിൽ ഇന്ത്യൻ കോൺസൽ ജനറൽ ബിനായ ശ്രീകന്ത പ്രധാൻ പുസ്തകം പ്രകാശനം ചെയ്തു.
ഡോ. സ്വാമി രചിച്ച 36ാം പുസ്തകമാണ് ദി സാഗ ഓഫ് ജ്യോഗ്രഫിക്കൽ ഇൻഡിക്കേഷൻസ് എക്രോസ് ദി ഗ്ലോബ്’. അദ്ദേഹം രചിച്ച ‘ശാന്തിമന്ത്രം മുഴങ്ങുന്ന താഴ്‌വരയിൽ’ സാഹിത്യ അക്കാദമി അവാർഡ് നേടിയിട്ടുണ്ട്. ‘നീലക്കുറിഞ്ചി: ഒരു വ്യാഴവട്ടത്തിലെ വസന്തം’ സംസ്ഥാന ബാലസാഹിത്യ പുരസ്കാരവും കരസ്ഥമാക്കിയിട്ടുണ്ട്.
