ചെന്നൈ: ചെന്നൈയിലെ പള്ളിക്കരണൈ പ്രദേശത്തെ ഒരു മാലിന്യക്കൂമ്പാരത്തിൽ ഉണ്ടായ തീപിടുത്തത്തിൽ വൻ നാശനഷ്ടം.
സമീപത്തെ പാർക്കിങ് ഗ്രൗണ്ടിലേക്ക് തീ പടർന്ന് നൂറിലധികം കാറുകൾക്ക് കേടുപാടുകൾ സംഭവിച്ചു. ഇവ കണ്ടുകെട്ടിയ വാഹനങ്ങളാണെന്നും കോർപ്പറേഷന്റെ കീഴിലുള്ള സ്ഥലത്ത് പാർക്ക് ചെയ്തിരുന്നതായും പറയപ്പെടുന്നു. പുക വായുവിലേക്ക് പടർന്നിട്ടുണ്ട്. ഇതുമൂലം ചെന്നൈ നഗരത്തിൽ വൻ ഗതാഗതക്കുരുക്ക് അനുഭവപ്പെടുന്നുണ്ട്.
ചെന്നൈയിലെ പള്ളിക്കരണൈയിലും വേലച്ചേരിയിലും പുക ശ്വസിച്ച് ആളുകൾ ബുദ്ധിമുട്ടുന്നു. വിവരം ലഭിച്ചതിനെത്തുടർന്ന് വേലച്ചേരിയിലെയും ഗിണ്ടിയിലെയും അഗ്നിശമന സേനാ സ്റ്റേഷനുകളിൽ നിന്നുള്ള ഉദ്യോഗസ്ഥർ സ്ഥലത്തെത്തി തീയണയ്ക്കാനുള്ള പ്രവർത്തനങ്ങൾ ആരംഭിച്ചു. ഏകദേശം ഒരു മണിക്കൂറോളം നീണ്ട പരിശ്രമത്തിനൊടുവിലാണ് തീ നിയന്ത്രണവിധേയമാക്കിയത്.