ബെംഗളൂരു : കർണാടക മുഖ്യമന്ത്രി ഡി കെ ശിവകുമാറിനെ ഭഗവാൻ പരമശിവന്റെ രൂപത്തിൽഅവതരിപ്പിച്ച ഫോട്ടോ വിവാദത്തിൽ. കർണാടക മുഖ്യമന്ത്രിയായി ശിവകുമാർ ഇന്നലെ സത്യപ്രതിജ്ഞ ചെയ്തതിന് ശേഷം, അവിടെ പ്രസിദ്ധീകരിച്ച കന്നഡ ദിനപത്രമായ ‘വിശ്വവാണി’യിൽ അദ്ദേഹത്തെക്കുറിച്ചുള്ള ഒരു ലേഖനം പ്രസിദ്ധീകരിച്ചു. അതിൽ, ശിവന്റെ വേഷത്തിലുള്ള ശിവകുമാറിന്റെ ഒരു ഫോട്ടോ ഒന്നാം പേജിൽ ഉൾപ്പെടുത്തിയിരുന്നു.
നീണ്ട പിന്നിയ മുടിയുമായി, കടുവത്തോൽ ധരിച്ച്, വാളും കുന്തവും പിടിച്ചുകൊണ്ട് നിൽക്കുന്ന ചിത്രം ‘വിശ്വവാണി’ ദിനപത്രത്തിന്റെ എഡിറ്റർ ഇൻ ചീഫ് വിശ്വേശ്വർ ഭട്ട് തന്റെ സോഷ്യൽ മീഡിയ പേജിൽ പോസ്റ്റ് ചെയ്തു.ഇതേ തുടർന്നാണ് വിവാദം പൊട്ടിപ്പുറപ്പെട്ടത്.
ഈ ചിത്രം ഓൺലൈനിൽ ചൂടേറിയ ചർച്ചയ്‌ക്ക് തുടക്കമിട്ടു.രാഷ്‌ട്രീയ നേതാക്കളെ ആദരണീയരായ ദൈവങ്ങളുമായി തുലനം ചെയ്യുന്നത് അതിരു കടക്കുമെന്നും മതവികാരങ്ങളെ വ്രണപ്പെടുത്തുമെന്നും അഭിപ്രായപ്പെട്ട നിരവധി ആളുകളാണ് രംഗത്തെത്തിയത്.
