എറണാകുളം: കെട്ടിട നിർമാണ അനുമതിയുമായി ബന്ധപ്പെട്ട് കൈക്കൂലി വാങ്ങുന്നതിനിടെ തൊടുപുഴ നഗരസഭയിലെ അസിസ്റ്റന്റ് എക്സിക്യൂട്ടീവ് എൻജിനീയർ എം. ബി. ജോസിനെ വിജിലൻസ് അറസ്റ്റ് ചെയ്തു.
കെട്ടിട നിർമാണത്തിന് അനുമതി നൽകുന്നതിനായി ഉദ്യോഗസ്ഥൻ ₹2 ലക്ഷം കൈക്കൂലി ആവശ്യപ്പെട്ടിരുന്നുവെന്നാണ് വിജിലൻസിന്റെ കണ്ടെത്തൽ. തുടർന്ന് പരാതിക്കാരനിൽ നിന്ന് ₹1 ലക്ഷം കൈക്കൂലി വാങ്ങുന്നതിനിടെയാണ് വിജിലൻസ് സംഘം എം. ബി. ജോസിനെ പിടികൂടിയത്.
പരാതിയുടെ അടിസ്ഥാനത്തിൽ ആസൂത്രണം ചെയ്ത പ്രത്യേക നീക്കത്തിനൊടുവിലാണ് വിജിലൻസ് ഉദ്യോഗസ്ഥനെ കൈയോടെ പിടികൂടിയത്. സംഭവത്തിൽ കൂടുതൽ അന്വേഷണം പുരോഗമിക്കുകയാണെന്ന് അധികൃതർ അറിയിച്ചു.