മുംബൈ: റോയല്‍ ചലഞ്ചേഴ്‌സ് ബംഗളൂരുവിനെ തുടര്‍ച്ചയായി രണ്ട് ഐപിഎല്‍ കിരീടങ്ങളിലേക്ക് നയിച്ച രജത് പടിദാറിന് പുതിയ ദൗത്യം. ഈ മാസം ആരംഭിക്കുന്ന ദുലീപ് ട്രോഫിക്കായുള്ള മധ്യമേഖല ടീമിന്റെ ക്യാപ്റ്റനായി പടിദാറിനെ പ്രഖ്യാപിച്ചു. ഇന്ത്യന്‍ താരം റിങ്കു സിങ്ങാണ് വൈസ് ക്യാപ്റ്റന്‍. ഓഗസ്റ്റ് 23 മുതല്‍ സെപ്റ്റംബര്‍ 10 വരെയാണ് ദുലീപ് ട്രോഫി മത്സരങ്ങള്‍ നടക്കുന്നത്.
33-ാം വയസില്‍ ആദ്യമായി ഇന്ത്യന്‍ ടെസ്റ്റ് ടീമില്‍ ഇടം നേടിയ ഓഫ് സ്പിന്നിങ് ഓള്‍റൗണ്ടര്‍ സാരാംശ് ജെയ്‌നും മധ്യമേഖല ടീമില്‍ ഉള്‍പ്പെട്ടിട്ടുണ്ട്. എന്നാല്‍ ശ്രീലങ്കയ്‌ക്കെതിരായ ടെസ്റ്റ് പരമ്പരയ്‌ക്കുള്ള ഇന്ത്യന്‍ ടീമിലായതിനാല്‍ ആദ്യഘട്ട ദുലീപ് ട്രോഫി മത്സരങ്ങളില്‍ അദ്ദേഹം കളിക്കില്ല.
വാഷിങ്ടണ്‍ സുന്ദറിന്റെ പരിക്ക് കാരണം ശ്രീലങ്കയ്‌ക്കെതിരായ ആദ്യ ടെസ്റ്റിനുള്ള ഇന്ത്യന്‍ പ്ലേയിങ് ഇലവനില്‍ സാരാംശ് ജെയ്ന് അവസരം നേടാനാണ് സാധ്യത. ഓഗസ്റ്റ് 15ന് ഗാലെയിലാണ് ആദ്യ ടെസ്റ്റ്. രണ്ടാം മത്സരം ഓഗസ്റ്റ് 23 മുതല്‍ കൊളംബോയില്‍ നടക്കും. ഗാലെ ടെസ്റ്റിന് ശേഷമാകും താരം ദുലീപ് ട്രോഫിക്കായി മധ്യമേഖല ടീമിനൊപ്പം ചേരുക.
മധ്യമേഖല ടീം: രജത് പടിദാര്‍ (ക്യാപ്റ്റന്‍), റിങ്കു സിങ് (വൈസ് ക്യാപ്റ്റന്‍), ആര്യന്‍ ജുയല്‍ (വിക്കറ്റ് കീപ്പര്‍), സാരാംശ് ജെയ്ന്, അമന്‍ മൊഖദെ, കുനാല്‍ ചന്ദേല, സീഷന്‍ അന്‍സാരി, ആര്യന്‍ പാണ്ഡെ, അര്‍ഷാദ് ഖാന്‍, ആയുഷ് പാണ്ഡെ, യഷ് റാത്തോഡ്, ഹര്‍ഷ് ദുബെ, കുനാല്‍ സിങ് റാത്തോഡ് (വിക്കറ്റ് കീപ്പര്‍), യഷ് ഠാക്കൂര്‍, നചികേത് ഭൂട്ടെ.
സ്റ്റാന്‍ഡ്ബൈ: അമന്‍ദീപ് ഖാരെ, മായങ്ക് മിശ്ര, സൗരഭ് റാവത്ത്, ഭാര്‍ഗവ് മെരായ്, കുനാല്‍ യാദവ്, കുമാര്‍ കാര്‍ത്തികേയ.
