ന്യൂഡല്ഹി: സ്ത്രീകള്ക്കും ട്രാന്സ്ജെന്ഡര് വിഭാഗത്തില്പ്പെട്ടവര്ക്കും സുരക്ഷിതവും വൃത്തിയുള്ളതും മാന്യവുമായ തൊഴില് അവസരങ്ങള് ഒരുക്കുന്നതിനായി ‘ദുര്ഗ’ പദ്ധതിക്ക് ഡല്ഹി സര്ക്കാര് അംഗീകാരം നല്കി. മുഖ്യമന്ത്രി രേഖ ഗുപ്തയുടെ അധ്യക്ഷതയില് ചേര്ന്ന മന്ത്രിസഭാ യോഗത്തിലാണ് തീരുമാനം. പദ്ധതിയുടെ ആദ്യഘട്ടത്തില് 1,300 പിങ്ക് ഇലക്ട്രിക് ഓട്ടോകള് അനുവദിക്കും. ഇതില് 1,170 എണ്ണം സ്ത്രീകള്ക്കും 130 എണ്ണം ട്രാന്സ്ജെന്ഡര് വിഭാഗത്തില്പ്പെട്ടവര്ക്കുമായി മാറ്റിവയ്ക്കും.
പദ്ധതിയിലൂടെ സ്ത്രീകള്ക്കും ട്രാന്സ്ജെന്ഡര് വിഭാഗത്തില്പ്പെട്ടവര്ക്കും ഇലക്ട്രിക് ഓട്ടോകളുടെ ഉടമകളും ഡ്രൈവര്മാരുമായി മാറാന് അവസരം ലഭിക്കുമെന്ന് മുഖ്യമന്ത്രി രേഖ ഗുപ്ത പറഞ്ഞു. ഓരോ റവന്യൂ ജില്ലയിലും പരമാവധി 90 ഇ-ഓട്ടോകള് സ്ത്രീകള്ക്കും 10 ഇ-ഓട്ടോകള് ട്രാന്സ്ജെന്ഡര് വിഭാഗത്തില്പ്പെട്ടവര്ക്കും അനുവദിക്കും.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
സ്ത്രീകള്ക്കും ട്രാന്സ്ജെന്ഡര് വിഭാഗത്തിനും തൊഴില് അവസരങ്ങള് സൃഷ്ടിക്കുന്നതിനൊപ്പം ഡല്ഹിയെ കൂടുതല് സുരക്ഷിതവും ഹരിതവും എല്ലാവരെയും ഉള്ക്കൊള്ളുന്നതുമായ നഗരമാക്കി മാറ്റുന്നതിനുള്ള നടപടിയുടെ ഭാഗമായാണ് പദ്ധതിയെ സര്ക്കാര് അവതരിപ്പിക്കുന്നത്. ഡല്ഹി സര്ക്കാരിന്റെ 2026-27 ബജറ്റിലും ‘E-Autos for Women & Transgender Drivers’ എന്ന പദ്ധതിക്കായി 20 കോടി രൂപ വകയിരുത്തിയിട്ടുണ്ട്.
സുരക്ഷിതമായ തൊഴിലും ഹരിത ഗതാഗതവും ഒരുമിച്ച് ലക്ഷ്യമിടുന്ന പദ്ധതിയായാണ് ‘ദുര്ഗ’യെ സര്ക്കാര് മുന്നോട്ടുവയ്ക്കുന്നത്.