കൊല്ലം: സ്ത്രീധനത്തിന്റെ പേരില്‍ നവവധുവിന് ക്രൂരമര്‍ദനമേറ്റതായി പരാതി. പുത്തന്‍തുറ സ്വദേശിനി അഞ്ജുവിനാണ് ഭര്‍ത്താവില്‍നിന്നും ഭര്‍തൃവീട്ടുകാരില്‍നിന്നും പീഡനമേറ്റതായി പരാതി നല്‍കിയത്. ദേഹമാസകലം ഗുരുതരമായി പരുക്കേറ്റ യുവതിയെ ആശുപത്രിയില്‍ പ്രവേശിപ്പിച്ചു. സംഭവത്തില്‍ ചവറ പൊലീസ് ഗാര്‍ഹിക പീഡനത്തിന് കേസെടുത്തു. നീണ്ടകര സ്വദേശിയായ ഭര്‍ത്താവ് നന്ദുവിനും ഇയാളുടെ മാതാപിതാക്കള്‍ക്കുമെതിരെ പൊലീസ് എഫ്ഐആര്‍ രജിസ്റ്റര്‍ ചെയ്ത് അന്വേഷണം ആരംഭിച്ചു.
ജൂലൈ 27നായിരുന്നു അഞ്ജുവും നന്ദുവും തമ്മിലുള്ള വിവാഹം. വിവാഹം കഴിഞ്ഞ് ആഴ്ചകള്‍ക്കുള്ളില്‍ തന്നെ സ്ത്രീധനം കുറഞ്ഞുപോയെന്ന് ആരോപിച്ച് ഭര്‍തൃവീട്ടുകാര്‍ മാനസികമായി പീഡിപ്പിക്കാന്‍ തുടങ്ങിയെന്നാണ് പരാതിയില്‍ പറയുന്നത്. തുടര്‍ന്ന് ഒരു മാസത്തിനുശേഷം നന്ദു വിദേശത്തേക്ക് പോയി. സൗദിയില്‍നിന്ന് ഫോണിലൂടെ അസഭ്യം പറയുകയും മാനസികമായി പീഡിപ്പിക്കുകയും ചെയ്തതായും പരാതിയിലുണ്ട്. ഇതോടെ അഞ്ജു സ്വന്തം വീട്ടിലേക്ക് പോയെങ്കിലും ഭര്‍തൃവീട്ടുകാര്‍ പിന്നീട് യുവതിയെ തിരികെ കൊണ്ടുപോയെന്നാണ് പറയുന്നത്.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
പിന്നീട് ഭര്‍ത്താവ് അഞ്ജുവിനെ സൗദിയിലെ ജോലിസ്ഥലത്തേക്ക് കൊണ്ടുപോയി. അവിടെവച്ച് കുക്കര്‍, ലാപ്ടോപ് ചാര്‍ജര്‍, അടുക്കള ഉപകരണങ്ങള്‍ തുടങ്ങിയവ ഉപയോഗിച്ച് നിരന്തരം മര്‍ദിച്ചെന്നാണ് യുവതിയുടെ പരാതി. ക്രൂരമര്‍ദനമേറ്റ അഞ്ജു സെപ്റ്റംബര്‍ 30ന് നാട്ടില്‍ തിരിച്ചെത്തി പൊലീസില്‍ പരാതി നല്‍കുകയായിരുന്നു. പരാതിയുടെ അടിസ്ഥാനത്തിലാണ് ചവറ പൊലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചത്.