ലഖ്‌നൗ: ‘വോട്ട് ചോരി’ ആരോപണവുമായി പ്രതിഷേധം നടത്തുന്ന ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധിക്കെതിരെ വിമര്‍ശനവുമായി ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. തെരഞ്ഞെടുപ്പില്‍ വിജയിക്കുമ്പോള്‍ അതിന്റെ ക്രെഡിറ്റ് ഏറ്റെടുക്കുകയും പരാജയപ്പെടുമ്പോള്‍ ഇവിഎമ്മിനെയും തെരഞ്ഞെടുപ്പ് കമ്മീഷനെയും കുറ്റപ്പെടുത്തുകയും ചെയ്യുന്നത് വിരോധാഭാസമാണെന്ന് അദ്ദേഹം പറഞ്ഞു. രാജ്യത്ത് അരാജകത്വം സൃഷ്ടിക്കാനുള്ള ശ്രമമാണ് കോണ്‍ഗ്രസ് നടത്തുന്നതെന്നും യോഗി ആരോപിച്ചു.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
‘ഇന്ത്യ’ സഖ്യത്തിന്റെ സുപ്രീം കോടതി മാര്‍ച്ചുമായി ബന്ധപ്പെട്ട് മാധ്യമങ്ങളോട് സംസാരിക്കുകയായിരുന്നു അദ്ദേഹം. ഭരണഘടനാ സ്ഥാപനങ്ങളെ നിരന്തരം ചോദ്യം ചെയ്യുന്ന നിലപാടാണ് കോണ്‍ഗ്രസിന്റേതെന്ന് യോഗി വിമര്‍ശിച്ചു. ജനങ്ങളെ ബുദ്ധിമുട്ടിക്കുന്ന തരത്തിലുള്ള പ്രതിഷേധങ്ങള്‍ രാജ്യത്ത് അംഗീകരിക്കപ്പെടില്ലെന്നും അദ്ദേഹം പറഞ്ഞു. കോണ്‍ഗ്രസ് അഴിമതി നിറഞ്ഞ പ്രവര്‍ത്തനരീതിയും വിശ്വാസ്യതയില്ലാത്ത നേതൃത്വവും മാറ്റാന്‍ തയ്യാറാകണമെന്നായിരുന്നു യോഗിയുടെ പരാമര്‍ശം. തെരഞ്ഞെടുപ്പ് ഫലങ്ങളെക്കുറിച്ചുള്ള പാര്‍ട്ടിയുടെ നിലപാടിനെയും അദ്ദേഹം വിമര്‍ശിച്ചു.