തിരുവനന്തപുരം: പ്രായപൂര്‍ത്തിയാകാത്ത പെണ്‍കുട്ടിയെ സ്പായില്‍ ലൈംഗികമായി ചൂഷണം ചെയ്ത സംഭവത്തില്‍ രണ്ട് പേര്‍ അറസ്റ്റില്‍. സ്പാ ജീവനക്കാരായ ആലപ്പുഴ സ്വദേശി സജിത്, പൂവാര്‍ സ്വദേശി നിഷാന്ത് എന്നിവരെയാണ് പൊലീസ് അറസ്റ്റ് ചെയ്തത്. ആന്ധ്രാപ്രദേശ് സ്വദേശിനിയായ 16കാരിയെ ബന്ധുക്കള്‍ കോവളത്തെ സ്പായില്‍ വിറ്റതായാണ് വിവരം. കഴിഞ്ഞ ജൂലൈയിലാണ് പെണ്‍കുട്ടിയെ മാതൃസഹോദരിയും ഭര്‍ത്താവും കോവളത്ത് എത്തിച്ചത്. മാതാപിതാക്കള്‍ മരിച്ചതിനെത്തുടര്‍ന്ന് ഇവരുടെ സംരക്ഷണത്തിലായിരുന്നു പെണ്‍കുട്ടി. കുട്ടിയെ സ്പായില്‍ വിറ്റശേഷം ബന്ധുക്കള്‍ ആന്ധ്രാപ്രദേശിലേക്ക് മടങ്ങിയെന്നാണ് വിവരം.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
പെണ്‍കുട്ടിയുടെ കൈവശം 20 വയസുണ്ടെന്ന് തെളിയിക്കുന്ന ആധാര്‍ കാര്‍ഡുണ്ടായിരുന്നു. ഇത് വ്യാജമാണെന്നാണ് വിവരം. വിവിധ സ്പാകളില്‍ പെണ്‍കുട്ടി ജോലി ചെയ്തിരുന്നതായും റിപ്പോര്‍ട്ടുകളുണ്ട്. ഒരു സ്പായിലെ യുവാവുമായി പെണ്‍കുട്ടി പ്രണയത്തിലാകുകയും അവിടെനിന്ന് രക്ഷപ്പെടാന്‍ ശ്രമിക്കുകയും ചെയ്തതോടെയാണ് സംഭവം പുറത്തറിഞ്ഞത്. സംഭവത്തില്‍ പൊലീസ് അന്വേഷണം തുടരുകയാണ്.