Vehicle

ശക്തിയുടെ ദേവനെത്തുന്നു നിരത്തുകൾ കീഴടക്കാൻ

പൗരുഷമുള്ള ഇരുചക്രവാഹനങ്ങൾ ഇന്ത്യൻ നിരത്തിലേക്ക് പരിചയപ്പെടുത്തിയ ബജാജ് പുതിയ ക്രൂയിസർ ബൈക്കുമായി എത്തുന്നു. ഗ്രീക്ക് മിത്തോളജിയനുസരിച്ച് ശക്തിയുടെ ദേവനായ ക്രാറ്റോസിന്റെ പേരിലാണ് ഈ 400 സിസി ബൈക്ക് നിരത്തിലെത്തുന്നത്.

കെ ടി എം ഡ്യൂക്കിന്റെ എഞ്ചിനായിരിക്കും ക്രാറ്റോസിൽ ഉപയോഗിക്കുന്നത് . ആറ് സ്പീഡ് ഗിയർബോക്സുമായി എത്തുന്ന 373.2 സിസി എഞ്ചിനിൽ ട്രിപ്പിൾ സ്പാർക്ക് സാങ്കേതിക വിദ്യയാണ് ഉപയോഗിച്ചിരിക്കുന്നത്. പൾസർ ശ്രേണിയിൽ പെട്ട വിഎസ് 400 ആണ് ക്രാറ്റോസായി ഈ വർഷം നവംബറോടെ എത്തുന്നത്. 35 ബിഎച്ച്പി യാണ് ബേസിക് മോഡലിന്റെ എഞ്ചിന്റെ കരുത്ത്. ഹൈ എൻഡ് മോഡലിൽ ഇത് 43 ബിഎച്ച്പി ആകും.

വേഗതയുടെ സൂചി അങ്ങേയറ്റം 175 കിലോമീറ്ററിലെത്തും. ടെലിസ്കോപ്പിക് ഫ്രണ്ട് ഫോർക്കിനൊപ്പം പിറകിൽ മോണോഷോക്ക് സസ്പെൻഷനാണ് . ഹാൻഡിലിലും ടാങ്കിലുമായാണ് ഡിജിറ്റൽ മീറ്ററുകൾ ഉറപ്പിച്ചിരിക്കുന്നത് . എല്ലാ മീറ്ററുകളും ഡിജിറ്റലായ ബജാജിന്റെ ആദ്യ ബൈക്കാണെന്ന പ്രത്യേകതയും ക്രാറ്റോസ് 400 നുണ്ട്

ടെലസ്കോപ്പിക് ഫ്രണ്ട് ഫോർക്കാണ് ക്രാറ്റോസിന്. എ ബി എസ് ഇച്ഛാനുസരണം തെരഞ്ഞെടുക്കാം. 1.6 – 1.8 ലക്ഷമായിരിക്കും എക്സ് ഷോറൂം വില.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close