Vehicle

മുഖം മിനുക്കി സ്റ്റൈലായി ടൊയോട്ട ഫോർച്യൂണർ

കയറ്റം കയറി വരുന്ന ഫോർച്യൂണറിനെ കാണാൻ തന്നെ ഒരു ലുക്കാണ് . ആരാടാ എന്നോട് പോരിനു നിൽക്കാൻ എന്ന ഭാവം . ആരും കൊതിക്കുന്ന പൗരുഷം . വാഹന പ്രേമികളുടെ മനം കവർന്ന ഫോർച്യൂണർ ഈ നവംബർ ഏഴിനു പുതിയ രൂപത്തിൽ പുതിയ ഭാവത്തിൽ നിരത്തിലെത്തും .

ടൊയോട്ട ഇന്നോവ ക്രിസ്റ്റയുടെ പ്ളാറ്റ്ഫോമിൽ തന്നെയാണ് പുതിയ ഫോർച്യൂണറിന്റെ നിർമ്മാണം. മനോഹരവും കരുത്തുറ്റതുമായ ടൊയോട്ട ന്യൂ ജനറേഷൻ ആർക്കിടെക്ചർ (ടിഎൻജിഎ) പ്ളാറ്റ്ഫോമാണിത്. യാത്രാസുഖത്തോടൊപ്പം ഡ്രൈവിംഗ് മികവും മെച്ചപ്പെട്ട സുരക്ഷയുമാണ് ഈ പ്ളാറ്റ്ഫോമിന്റെ മുഖമുദ്ര

2016-toyota-fortuner

പഴയ ഫോർച്യൂണറിനേക്കാൾ 90 എം എം നീളമുണ്ട് പുതിയതിന് . 15 എം എം വീതിയും കൂടിയിട്ടുണ്ട് . എന്നാൽ ഉയരത്തിൽ അൽപ്പം കുറവ് വരുത്തിയിട്ടുണ്ട് . 15 എം എം . കെട്ടിലും മട്ടിലും കൂടുതൽ സൗന്ദര്യവും ക്രോമിന്റെ മനോഹാരിതയും പുതിയ ഫോർച്യൂണറിനെ ഇഷ്ടവാഹനമാക്കുമെന്നുറപ്പ് . വലിയ ടച്ച് സ്ക്രീനും തുകൽ സീറ്റുകളുടെ മൃദുലതയും ഉൾവശത്തെ സമൃദ്ധമാക്കിയിട്ടുമുണ്ട്.

ഫോർ വീൽ ഡ്രൈവ് ഇച്ഛാനുസരണം തെരഞ്ഞെടുക്കാം. 148 ബിഎച്ച്പി 2.4 ലിറ്റർ 2ജിഡി-എഫ് ടി വി , 2.8 ലിറ്റർ 177 ബി എച്ച് പി 1 ജിഡി എഫ് ടിവി ഡീസൽ വേരിയന്റുകൾക്കൊപ്പം 2.7 ലിറ്റർ പെട്രോൾ വേരിയന്റും ലഭിക്കും. 6 സ്പീഡ് ഗിയർബോക്സ് ആട്ടോമാറ്റിക്കും മാനുവലും ലഭിക്കും .

2016-toyota-fortuner-side_827x510_51475658724

ഇലക്ട്രിക്കലി ക്രമീകരിക്കാവുന്ന ഡ്രൈവർ സീറ്റ് , ട്രാക്ഷൻ കണ്ടോൾ സിസ്റ്റം , ഡൗൺഹിൽ അസിസ്റ്റ് കണ്ടോൾ സിസ്റ്റം ഉൾപ്പെടെയുള്ള ആധുനിക സൗകര്യങ്ങൾ പുതിയ ഫോർച്യൂണറിൽ ഉൾപ്പെടുത്തിയിട്ടുണ്ട്. 28 ലക്ഷം മുതൽ 32 ലക്ഷം വരെയാണ് വില പ്രതീക്ഷിക്കുന്നത്.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close