ലോകത്ത് ഏറ്റവും കൂടുതൽ കാർ നിർമ്മിക്കുന്ന രാജ്യങ്ങളിൽ അഞ്ചാം സ്ഥാനത്താണ് ഇന്ത്യ . മേക്ക് ഇൻ ഇന്ത്യ പദ്ധതിയും സാമ്പത്തിക മേഖലയുടെ ഉണർവ്വും കാർ വിപണിക്ക് ഗതിവേഗം നൽകിയിരിക്കുകയാണ് . വിപണി കരുത്താർജ്ജിച്ചതോടെ കൂടുതൽ ഓഫറുകളുമായി ഉപഭോക്താക്കളെ സമീപിക്കാനൊരുങ്ങുകയാണ് വിവിധ കാർ കമ്പനികൾ
ഈ മാസത്തെ പ്രധാന ഓഫറുകൾ ഏതൊക്കെയാണെന്ന് നോക്കാം
1, മാരുതി സിയാസ് ഡീസൽ/ വാഗൺ ആർ
കുറഞ്ഞ കാലം കൊണ്ട് തന്നെ കാർ പ്രേമികളുടെ മനം കവർന്ന മാരുതിയുടെ സിയാസ് ഈ മാസം 35,000 രൂപയുടെ ഓഫറാണ് നൽകുന്നത് . ഒപ്പം എക്സ്ചേഞ്ച് ബോണസും കൂടി ചേരുമ്പോൾ ഉപഭോക്താക്കൾക്ക് ഇരട്ടി ഓഫറാണ് ലഭിക്കുന്നത് .
ആട്ടോമാറ്റിക് ഗിയർ ബോക്സുമായി ഉപഭോക്താക്കളെ തേടിയെത്തുന്ന വാഗൺ ആറിനും മാരുതി ഓഫർ നൽകുന്നുണ്ട് . 55,000 രൂപയും എക്സ്ചേഞ്ച് ബോണസുമാണ് ഈ മാസം വാഗൺ ആറിനൊപ്പം ഉപഭോക്താക്കൾക്ക് ലഭിക്കുന്നത്.
2, റെനോ ഡസ്റ്റർ
വ്യത്യസ്തമായ രൂപകൽപ്പന കൊണ്ട് കാർ പ്രേമികളുടെ ഇടയിൽ ഹിറ്റായ റെനോ ഡസ്റ്ററിന്റെ എല്ലാ മോഡലുകൾക്കും ഓഫറുണ്ട് . 40,000 മുതൽ 65,000 വരെയാണ് ഓഫർ ലഭിക്കുക
3, ടാറ്റ സഫാരി സ്റ്റോം / ബോൾട്ട്/ സെസ്റ്റ്
ടാറ്റയുടെ കൊടുങ്കാറ്റ് സഫാരി സ്റ്റോമിനും ഈ മാസം ഇളവ് പ്രഖ്യാപിച്ചിട്ടുണ്ട്. ഉത്സവ സീസൺ പ്രമാണിച്ച് 1 ലക്ഷം വരെ ഓഫറുണ്ട്. ടാറ്റ ബോൾട്ടിന് 40,000 വരെയാണ് ഓഫർ നൽകുന്നത്. ടാറ്റ സെസ്റ്റിന് 20,000 രൂപയുടെ ഓഫറാണുള്ളത്.
4, നിസ്സാൻ മൈക്ര /സണ്ണി
ചെറിയ മുഖം മിനുക്കലുമായി എത്തുന്ന നിസാൻ മൈക്രയ്ക്ക് വിവിധ മോഡലുകളിലായി 65,000 രൂപ വരെയാണ് കമ്പനി ഓഫർ നൽകുന്നത് . നിസാൻ സണ്ണിയുടെ പെട്രോൾ -ഡീസൽ പതിപ്പുകൾക്ക് 70,000 വരെയാണ് കമ്പനിയുടെ ഓഫർ
5, ഫിയറ്റ് അവഞ്ച്വറ
അബാർത്തിനുൾപ്പെടെ എല്ലാ അവഞ്ച്വറ മോഡലുകൾക്കും 65,000 രൂപ വരെയാണ് ഫിയറ്റ് നൽകുന്നത് .1.4 ടർബോ പെട്രോൾ , 1.3 ഡീസൽ എഞ്ചിൻ പതിപ്പുകളിൽ അവഞ്ച്വറ ലഭിക്കും. വലിയ ടച്ച് സ്കീൻ പുതിയതായി ചേർത്തതൊഴിച്ചാൽ കെട്ടിലും മട്ടിലും പുതിയ അവഞ്ച്വറയ്ക്ക് വ്യത്യാസമില്ല.
6, ഹ്യൂണ്ടായ് വെർന
ഹ്യൂണ്ടായ് പ്രീമിയം സെഡാനായ വെർനയ്ക്ക് 60,000 വരെ കമ്പനി ഓഫർ നൽകുന്നുണ്ട്. വെർനയുടെ എല്ലാ പതിപ്പുകൾക്കും ഓഫർ നൽകാനാണ് കമ്പനിയുടെ തീരുമാനം.
7, മെഴ്സിഡസ് ബെൻസ്
ആഡംബര കാറുകൾ വാങ്ങാനുദ്ദേശിക്കുന്ന ഉപഭോക്താക്കൾക്കും ഒക്ടോബർ നല്ല മാസമാണ് . ബെൻസ് ജി എൽ എ യ്ക്ക് 4 ലക്ഷം വരെയാണ് ഓഫർ , ജി എൽ ഇ യ്ക്ക് രണ്ടു ലക്ഷവും സി ക്ളാസിന് മൂന്നു ലക്ഷവും കമ്പനി ഓഫർ നൽകുന്നു.
