മുംബൈ : ഇംഗ്ളണ്ടിനെതിരായ നാലാം ക്രിക്കറ്റ് ടെസ്റ്റിൽ ജയന്ത് യാദവിന് കന്നി സെഞ്ച്വറി . ഒൻപതാം നമ്പറിൽ ബാറ്റ് ചെയ്യാനിറങ്ങി നൂറു കടക്കുന്ന ആദ്യ ഇന്ത്യൻ ബാറ്റ്സ്മാനാണ് ജയന്ത് യാദവ് . 196 പന്തിൽ പതിനഞ്ച് ബൗണ്ടറികളുടെ അകമ്പടിയോടെയാണ് യാദവ് സെഞ്ച്വറി നേടിയത് .
യാദവിനൊപ്പം 223 റൺസെടുത്ത് ക്യാപ്ടൻ വിരാട് കോഹ്ലിയാണ് ക്രീസിൽ . 326 പന്തുകൾ നേരിട്ട കോഹ്ലി 25 ബൗണ്ടറികൾ നേടി . ഇംഗ്ളണ്ടിന്റെ ആദ്യ ഇന്നിംഗ്സ് സ്കോറിനേക്കാൾ 203 റൺസിന്റെ ലീഡാണ് നിലവിൽ ഇന്ത്യയ്ക്കുള്ളത് .
