മുംബൈ: അത്ലറ്റിക്കോ ഡി കൊല്ക്കത്ത ഐഎസ്എല് മൂന്നാം സീസണ് ഫൈനലില്. മുംബൈ സിറ്റി എഫ്സി്ക്കെതിരേ അവരുടെ തട്ടകത്തില് നടന്ന രണ്ടാം പാദ സെമിയില് ആതിഥേയരെ സമനിലയില് തളച്ചാണ് കൊല്ക്കത്ത ഫൈനല് ബര്ത്ത് ഉറപ്പിച്ചത്. ആദ്യപാദ സെമിയില് 3-2 ന് കൊല്ക്കത്ത വിജയിച്ചിരുന്നു.
ഇരുപാദങ്ങളിലെയും ഗോള് ശരാശരി കണക്കിലെടുത്താണ് കൊല്ക്കത്ത ഫൈനലിന് അര്ഹത നേടിയത്. നാല്പ്പത്തിനാലാം മിനിറ്റില് രണ്ടാം മഞ്ഞക്കാര്ഡ് കണ്ട് റോബര്ട്ട് പുറത്തുപോയതിനെ തുടര്ന്ന് പത്ത് പേരുമായിട്ടാണ് രണ്ടാം പകുതിയില് കൊല്ക്കത്ത കളിച്ചത്. അവസരങ്ങള് ക്യാപ്റ്റന് സുനില് ഛേത്രി നഷ്ടപ്പെടുത്തിയത് മുംബൈയ്ക്കും തിരിച്ചടിയായി.
ആദ്യപാദ സെമിയില് ചുവപ്പ് കാര്ഡ് കണ്ട ഡിയേഗോ ഫോര്ലാന്റ് അഭാവവും മുംബൈയുടെ പ്രകടനത്തില് നിഴലിച്ചു. ആദ്യ മുതല് പ്രതിരോധത്തിലായിരുന്നു കൊല്ക്കത്ത. മത്സരത്തിന്റെ അവസാന നിമിഷങ്ങളില് ഗ്രൗണ്ടിലുണ്ടായ അസ്വാരസ്യങ്ങളുടെ പേരില് സന്തോഷ് കുഹയും ബെലന്സ്കോയും ചുവപ്പ് കാര്ഡ് കണ്ടു.
നാളെ ഡല്ഹിയില് നടക്കുന്ന കേരള ബ്ലാസ്റ്റേഴ്സ്-ഡല്ഹി ഡൈനാമോസ് മത്സരത്തിലെ വിജയിയെ ആകും കൊല്ക്കത്ത ഫൈനലില് നേരിടുക. ഡിസംബര് 18 ന് കൊച്ചിയിലാണ് ഫൈനല്. കൊച്ചിയില് കഴിഞ്ഞ ദിവസം നടന്ന ആദ്യപാദ സെമിയില് ബ്ലാസ്റ്റേഴ്സ് ഒരു ഗോളിന് വിജയിച്ചിരുന്നു.
