കൊച്ചി: ഇന്ത്യൻ സൂപ്പർ ലീഗിന്റെ കലാശപ്പോരാട്ടം ഇന്ന് നടക്കുമ്പോൾ അതിന് മറ്റൊരു പ്രത്യേകത കൂടിയുണ്ട്. ഇന്ത്യൻ ക്രിക്കറ്റിലെ സൂപ്പർ താരങ്ങൾ തമ്മിലുള്ള പോരാട്ടം കൂടിയാണിത്.
ബ്ലാസ്റ്റേഴ്സ് ടീമുടമയും ബാറ്റിങ് ഇതിഹാസവുമായ സച്ചിന് ടെണ്ടുല്ക്കറാണ് ഒരു ഭാഗത്തെങ്കില് മറുഭാഗത്ത് മുന് ഇന്ത്യൻ നായകനും സൂപ്പര് താരവുമായ സൗരവ് ഗാംഗുലിയാണ്.
ഇന്ത്യൻ സൂപ്പർ ലീഗിന്റെ കലാശപ്പോരാട്ടത്തിൽ ഇതു രണ്ടാം തവണയാണ് ക്രിക്കറ്റിലെ താര രാജാക്കൻമാർ നേർക്കുനേർ പോരിനിറങ്ങുന്നത്. 2014ൽ ആദ്യ സീസണില് ഇരുവരും കൊമ്പുകോര്ത്തപ്പോള് ജയം ഗാംഗുലിക്കൊപ്പമായിരുന്നു.
ഇത്തവണയും സച്ചിനെ പരാജയപ്പെടുത്തുമെന്നായിരുന്നു ഗാംഗുലിയുടെ പ്രതികരണം. എന്നാൽ ഇത്തവണ ജയം സച്ചിനൊപ്പമാകുമെന്നാണ് ആരാധകരുടെ പ്രതീക്ഷ.
വൈകുന്നേരം 7മണിയ്ക്ക് കൊച്ചി ജവഹർലാൽ നെഹ്റു സ്റ്റേഡിയത്തിൽ നടക്കുന്ന മത്സരം കാണാൻ സച്ചിനും ഗാംഗുലിയും അടക്കമുള്ള വിശിഷ്ടാഥികൾ എത്തുന്നുണ്ട്.