ടൊയോട്ട ഇന്നോവ ക്രിസ്റ്റയോട് മത്സരിക്കാൻ ടാറ്റയുടെ ഏഴു സീറ്റർ വാഹനം ഹെക്സ ഇന്ന് വിപണിയിൽ എത്തി . വാഹനപ്രേമികൾ ഏറെ നാളായി കാത്തിരുന്ന മൾട്ടി യൂട്ടിലിറ്റി വാഹനമായ ഹെക്സയുടെ വില 11.99 ലക്ഷത്തിലാണ് ആരംഭിക്കുന്നത് .
എക്സ്ഇ , എക്സ്എം , എക്സ്എംഎ , എക്സ്ടി , എക്സ്ടിഎ , എക്സ്ടി 4X4 എന്നീ വിഭാഗങ്ങളിലായാണ് ടാറ്റ ഹെക്സ ഉപഭോക്താക്കൾക്ക് ലഭ്യമാകുക. 19 ഇഞ്ച് ഭീമൻ അലോയ് വീലുകളാണ് ഹെക്സയ്ക്കുള്ളത് . 2,850 എം എം വീൽബെയ്സും 200 എം എം ഗ്രൗണ്ട് ക്ളിയറൻസുമുണ്ട് ഹെക്സയ്ക്ക് .
പ്രാഥമിക വേരിയന്റായ എക്സ് ഇ യിൽ തന്നെ രണ്ട് എയർബാഗുകളും എ ബി എസ് / ഇ ബി ദി സൗകര്യവും ടാറ്റ ഒരുക്കിയിട്ടുണ്ട്. നാല് വിൻഡോകളും പവർ ആണ് . എട്ടു രീതിയിൽ അഡ്ജസ്റ്റ് ചെയ്യാൻ സാധിക്കുന്ന ഡ്രൈവർ സീറ്റാണ് മറ്റൊരു പ്രത്യേകത.കൂടിയ വേരിയന്റുകളിൽ ആട്ടോമാറ്റിക് ക്ളൈമറ്റ് കൺട്രോളും റൂഫ് റയിൽ സൗകര്യവുമുണ്ട്.
ഏറ്റവും താഴ്ന്ന വിഭാഗമായ എക്സ് ഇ യിൽ 5 സ്പീഡ് 150 പിഎസ്/320എൻഎം എഞ്ചിനാണ് . അതേ സമയം ഉയർന്ന മോഡലുകളിൽ 156പിഎസ്/400എൻഎം എഞ്ചിനാണ് ഉപയോഗിച്ചിരിക്കുന്നത്. ഇവയിലെല്ലാം ആറു സ്പീഡ് ഗിയർ ബോക്സാണ് ഉള്ളത് .
വിവിധ മോഡലുകളുടെ എക്സ് ഷോറൂം വില
എക്സ് ഇ – 11,99,000
എക്സ് എം – 13,85,000
എക്സ്എംഎ – 15,05,000
എക്സ്ടി – 16,20,000
എക്സ്ടിഎ – 17,40,000
എക്സ്ടി 4X4 – 17,49,000
