NewsSports

ക്ലാസിക് പോരാട്ടത്തില്‍ കിരീടം ഫെഡറര്‍ നേടി 

മെല്‍ബണ്‍: ഓസ്‌ട്രേലിയന്‍ ഓപ്പണിലെ ക്ലാസിക് പോരാട്ടത്തില്‍ ഫെഡറര്‍ക്ക് കീരീടം. ആവേശകരമായ മത്സരത്തില്‍ സ്‌പെയിനിന്റെ റാഫേല്‍ നദാലിനെയാണ് സ്വിസ് ഇതിഹാസം കീഴടക്കിയത്. അഞ്ച് സെറ്റ് നീണ്ട പോരാട്ടത്തില്‍ 6-4,3-6,6-1,3-6,6-3 എന്ന സ്‌കോറിനാണ് ഫെഡറര്‍ വിജയിച്ചത്.

അഞ്ചാം തവണയാണ് ഫെഡറര്‍ ഓസ്‌ട്രേലിയന്‍ ഓപ്പണില്‍ മുത്തമിടുന്നത്. മുപ്പത്തിയഞ്ചുകാരനായ ഫെഡററിന് ഇത് കരിയറിലെ പതിനെട്ടാം ഗ്രാന്‍ഡ് സ്ലാം കിരീടം കൂടിയാണ്. അഞ്ചു വര്‍ഷത്തെ ഇടവേളയ്ക്ക് ശേഷമാണ് നദാലും ഫെഡററും കലാശപ്പോരാട്ടത്തില്‍ ഏറ്റുമുട്ടിയത്. ഇരുവരും കോര്‍ട്ടില്‍ മുഖാമുഖം എത്തുന്നതിന്റെ ആവേശത്തിലായിരുന്നു ടെന്നീസ് പ്രേമികള്‍. രണ്ടര മണിക്കൂറിലധികം നീണ്ടു നിന്ന പോരാട്ടം ആരാധകര്‍ക്കും അപൂര്‍വ്വ വിരുന്നായി.

ഓസ്‌ട്രേലിയന്‍ ഓപ്പണില്‍ നദാലിനോട് നാല് തവണ ഏറ്റുമുട്ടിയിട്ടുണ്ടെങ്കിലും ഫെഡറര്‍ ആദ്യമായിട്ടാണ് വിജയിക്കുന്നത്. ഗ്ലാന്‍ഡ് സ്ലാം ഫൈനലുകളില്‍ ഒന്‍പത് തവണ ഇരുവരും ഏറ്റുമുട്ടിയിട്ടുണ്ട്. ഇതില്‍ ഫെഡററുടെ മൂന്നാം വിജയമായിരുന്നു ഇത്

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close