ന്യൂഡൽഹി: ഐപിഎല്ലിലെ എക്കാലത്തേയും മികച്ച പതിനൊന്നംഗ ടീമിനെ പ്രഖ്യാപിച്ചു. എം എസ് ധോണിയാണ് ടീമിന്റെ നായകൻ. ഐപിഎൽ നിബന്ധനയ്ക്ക് വിധേയമായി ഏഴ് ഇന്ത്യൻ താരങ്ങളും, നാല് വിദേശ താരങ്ങളും ടീമിൽ ഉൾപ്പെട്ടിട്ടുണ്ട്.
വിരാട് കോഹ്ലി, വീരേന്ദർ സേവാഗ്, ആർ അശ്വിൻ, രോഹിത് ശർമ, സുരേഷ് റെയ്ന, ഭുവനേശ്വർ കുമാർ എന്നീ താരങ്ങൾ ടീമിൽ ഇടംപിടിച്ചു. വെസ്റ്റ് ഇൻഡീസ് താരങ്ങളായ ക്രിസ് ഗെയ്ൽ, സുനിൽ നരൈൻ, ഡെയ്ൻ ബ്രാവോ, ശ്രീലങ്കൻ പേസർ ലസിത് മലിംഗ എന്നിവരാണ് ടീമിൽ ഇടംനേടിയ വിദേശ താരങ്ങൾ.
എ.ബി ഡിവില്ലിയേഴ്സ്, ഡേവിഡ് വാർണർ എന്നിവരുൾപ്പടെ പ്രമുഖ വിദേശ താരങ്ങൾക്ക് ഇടം നേടാനായില്ല.
ഇഎസ്പിഎൻ ക്രിക് ഇൻഫോ നടത്തിയ വോട്ടെടുപ്പിലൂടെയാണ് ടീമിനെ പ്രഖ്യാപിച്ചത്.