ബംഗ്ലാദേശിനെതാരായ സന്നാഹ മത്സരത്തിൽ ഇന്ത്യയ്‌ക്ക് വൻ വിജയം. ഓവലിൽ നടന്ന മത്സരത്തിൽ 240 റൺസിനാണ് ബംഗ്ലാദേശിനെ തകർത്തത്.
325 റൺസിന്റെ കൂറ്റൻ വിജയലക്ഷ്യം പിന്തുടർന്ന ബംഗ്ലാദേശ് 84 റൺസിന് തകർന്നടിയുകയായിരുന്നു. മുഷ്ഫിഖർ റഹീം, മെഹേദി ഹസൻ, സൻസാമുൽ ഇസ്ലാം എന്നിവരൊഴികെയുള്ളവർക്ക് രണ്ടക്കം കാണാനായില്ല.
ഇന്ത്യയ്‌ക്ക് വേണ്ടി ഭുവനേശ്വർ കുമാറും ഉമേഷ് യാദവും മൂന്ന് വിക്കറ്റ് വീതം വീഴ്‍ത്തി.
ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യ 67 പന്തിൽ 60 റൺസെടുത്ത ധവാന്റെയും 77 പന്തിൽ 94 റൺസെടുത്ത ദിനേശ് കാർത്തിക്കിന്റെയും 54 പന്തിൽ 80 റൺസെടുത്ത ഹർദ്ദിക് പാണ്ഡ്യയുടെയും മികവിലാണ് 324 എന്ന കൂറ്റൻ സ്കോർ അടിച്ചു കൂട്ടിയത്.
