NewsSports

ഇന്ത്യ നെതര്‍ലന്‍ഡ് മത്സരം ഇന്ന്

ലണ്ടന്‍: ഹോക്കി ലോക ലീഗ് സെമിഫൈനല്‍സിന്റെ ഗ്രൂപ്പ് ബി മത്സരത്തില്‍ ഇന്ന് ഇന്ത്യ നെതര്‍ലന്‍ഡിനെ നേരിടും. നിലവില്‍ ഇന്ത്യയാണ് ഗ്രൂപ്പ് ബിയില്‍ മുന്നില്‍. ആദ്യത്തെ മൂന്ന് മത്സരങ്ങളിലും വിജയം നേടിയ ഇന്ത്യ ക്വാര്‍ട്ടര്‍ ഫൈനല്‍ ഉറപ്പാക്കിക്കഴിഞ്ഞു.

അതേസമയം രണ്ട് വിജയങ്ങള്‍ നേടിയ നെതര്‍ലന്‍ഡ് രണ്ടാം സ്ഥാനത്താണ്. ഇന്ത്യയ്ക്കാണ് മത്സരത്തില്‍ മുന്‍ തൂക്കം.
രമണ്‍ദ്വീപ് സിങ്ങ്, ആകാശ്ദ്വീപ് എന്നിവരടങ്ങുന്ന മുന്നേറ്റ നിര മിന്നുന്ന പ്രകടനമാണ് കാഴ്ചവയ്ക്കുന്നത്.

നായകന്‍ ഹര്‍മന്‍ പ്രീത് സിങ്ങ്, രൂപീന്ദര്‍ പാല്‍ സിങ്ങ് തുടങ്ങിയവര്‍ അണിനിരക്കുന്ന മധ്യ നിരയും ശക്തമാണ്. ഇന്നത്തെ മത്സരഫലം ഗ്രൂപ്പിയിലെ ജേതാക്കളെ നിര്‍ണയിക്കും.

കഴിഞ്ഞ കളിയില്‍ പാകിസ്ഥാനെതിരെ ഇന്ത്യ 7-1 ന്റെ തകര്‍പ്പന്‍ ജയം നേടിയിരുന്നു.

 

Please scroll down for comments

Close
Close