സോച്ചി : അല്ലെങ്കിലും ഫുഡ്ബോള് അങ്ങെനെയാണ്. ഒന്നും മുന്കൂട്ടി പറയാന് കഴിയില്ല. ചിലപ്പോള് ഭാഗ്യം കൊണ്ട് കളി ജയിക്കും. തുല്ല്യ ശക്തികള് ഏറ്റുമുട്ടിയ കോണ്ഫെഡറേഷന് കപ്പ് ഫുഡ്ബോളില് ആ ഭാഗ്യത്തിന്റെ തുണയോടുകൂടിയാണ് ചിലി പോര്ച്ചുഗലിനെ തോല്പ്പിച്ചത്.
അധിക സമയത്തും നിശ്ചിത സമയത്തും തുണക്കാതെ പോയ ഭാഗ്യം ചിലെയെ പെനല്റ്റി ഷൂട്ടൗട്ടില് തുണച്ചു.
പൂര്ണ്ണസമയവും അധിക സമയവും പിന്നിട്ടിട്ടും ഗോള്രഹിതമായതോടെ പെനാല്റ്റി ഷൂട്ടൗട്ടിലൂടെയാണ് വിജയികളെ കണ്ടെത്തിയത്. ഷൂട്ടൗട്ടില് 3-0നാണ് ചിലിയുടെ വിജയം.
തര്പ്പന് സേവുകളിലൂടെ ചിലിയുടെ രക്ഷകനായത് ഗോള്കീപ്പര് ക്ലൗഡിയോ ബ്രാവോയാണ്. പോര്ച്ചുഗലിനു വേണ്ടി കിക്കെടുത്ത് റിക്കാര്ഡോ ക്വറെസ്മോ, സാന്റോസ് മൗടിഞ്ഞോ, നാനി എന്നിവരുടെ കിക്കുകളാണ് ബ്രാവോ അത്യുഗ്രന് സേവിങിലൂടെ തടഞ്ഞിട്ടത്.
ചിലിക്കായി അര്ടുറോ വിദാല്, അരാങ്കീസ്, അലക്സിസ് സാഞ്ചസ് എന്നിവര് ലക്ഷ്യം കണ്ടു.
വ്യാഴാഴ്ച നടക്കുന്ന ജര്മനിമെക്സിക്കോ മത്സരത്തിലെ വിജയിയാണ് ഫൈനലില് ചിലിയുടെ എതിരാളി.