പോര്ട്ട് ഓഫ് സ്പെയിന്: വെസ്റ്റ് ഇന്ഡീസിനെതിരായ മൂന്നാം ഏകദിനം ഇന്ന്. ആദ്യ മത്സരം മഴകാരണം ഉപേക്ഷിച്ചിരുന്നു. എന്നാല് രണ്ടാം മത്സരത്തില് 105 റണ്സിന്റെ കൂറ്റന് ജയമാണ് ഇന്ത്യ സ്വന്തമാക്കിയത്.
ക്യാപ്റ്റന് വിരാട് കോഹ്ലിക്കും ഓപണര് ശിഖര് ധവാനുമൊപ്പം രോഹിത് ശര്മയുടെ അഭാവത്തില് ഓപണര് സ്ഥാനത്ത് അവസരം ലഭിച്ച അജിന്ക്യ രഹാനെയും കഴിഞ്ഞ മത്സരത്തില് ശതകവുമായി ഫോം തെളിയിച്ചുകഴിഞ്ഞു. അതുകൊണ്ടുതന്നെ വിജയം നേടി പരമ്പരയില് മുന്നിലെത്താന് തന്നെയാകും ഇന്ത്യയുടെ ശ്രമം.
അതേ സമയം രണ്ടു മാറ്റങ്ങളുമായാണ് വിന്ഡീസ് ഇറങ്ങുന്നത്. ജോനാഥന് കാര്ട്ടര്, കൈറണ് പവല് എന്നിവര്ക്ക് പകരക്കാരായി മുന്നിര ബാറ്റ്സ്മാന് കൈല് ഹോപ്, വിക്കറ്റ് കീപ്പര് ബാറ്റ്സ്മാന് സുനില് ആംബ്രിസ് എന്നിവരാണ് പുതുതായി ടീമിലിടംകണ്ടത്.
ഇന്ത്യന് സമയം വൈകീട്ട് 6.30 മുതലാണ് മത്സരം