ഇംഗ്ലണ്ട് :വനിതാ ക്രിക്കറ്റ് ലോകകപ്പില്‍ ഇന്ന് ഇന്ത്യ പാക്കിസ്ഥാനെ നേരിടും. കഴിഞ്ഞ രണ്ടുമത്സരങ്ങളും ജയിച്ച ഇന്ത്യ മികച്ച ഫോമിലാണ്.
ഇംഗ്ലണ്ടിനോടും ദക്ഷിണാഫ്രിക്കയോടും തോറ്റ പാക്കിസ്ഥാനാകട്ടെ ഇന്നത്തെ മല്‍സരം അതീവ നിര്‍ണായകമാണ്.
ബാറ്റിങ്ങില്‍ ഓപ്പണര്‍ സ്മൃതി മന്ഥാനയും ക്യാപ്റ്റന്‍ മിതാലി രാജും മികച്ച പ്രകടനമാണ് കാഴ്ചവെക്കുന്നത്. ബോളിങില്‍ ദീപ്തി ശര്‍മ, പൂനം യാദവ്, ഹര്‍മന്‍പ്രീത് കൗര്‍ എന്നിവര്‍ നന്നായി പന്തെറിയുന്നു.
കഴിഞ്ഞ മത്സരത്തില്‍ വെസ്റ്റ് ഇന്‍ഡീസിനെതിരെ 184 റണ്‍സ് ലക്ഷ്യം പിന്തുടര്‍ന്ന ഇന്ത്യ 42.3 ഓവറില്‍ മൂന്നുവിക്കറ്റ് നഷ്ടത്തില്‍ ലക്ഷ്യം കണ്ടിരുന്നു. 108 പന്തില്‍ നിന്ന് 106 റണ്‍സെടുത്ത് പുറത്താകാതെ നിന്ന സ്മൃതി മന്ദാനയാണ് ഇന്ത്യയുടെ വിജയശില്‍പി.
വൈകിട്ട് മൂന്നു മുതലാണു പോരാട്ടം.
