ലണ്ടന് : 2005 ലെ ഫൈനല് ആവര്ത്തികാതിരിക്കട്ടെ എന്നായിരിക്കും മിതാലി രാജും ജുലന് ഗോസ്വാമിയും പ്രാര്ത്ഥിക്കുന്നത്. കാരണം അന്ന് ഓസ്ട്രേലിയയോട് 98 റണ്സിന് ഇന്ത്യ പരാജയപ്പെടുന്നതിന് സാക്ഷിയായി ഇവര് രണ്ടുപേരും ഗ്രൗണ്ടിലുണ്ടായിരുന്നു. അതിനു ശേഷം ഇന്ത്യന് വനിതാ ക്രിക്കറ്റ് ടീം വേള്ഡ് കപ്പ് ഫൈനല് യോഗ്യത നേടിയിട്ടില്ല.
2005 ലെ ലോകക്കപ്പിലെ ഇന്ത്യയുടെ തുടക്കം ശ്രീലങ്കയുമായിട്ടായിരുന്നു. ശ്രീലങ്ക ഉയര്ത്തിയ 116 റണ്സ് പിന്തുടര്ന്ന ഇന്ത്യ 4 റണ്സെടുത്തു നില്ക്കുമ്പോള് മഴ കളിമുടക്കി.
അയര്ലന്ണ്ടുമായുളള രണ്ടാം കളിയില് ഇന്ത്യ 9 വിക്കറ്റിനു ജയിച്ചു. അമിത ശര്മ്മയുടെ ബോളിങ് (12-3) മികവില് അയര്ലന്ണ്ടിനെ 65 റണ്സിന് എറിഞ്ഞിട്ട ഇന്ത്യ നിഷ്പ്രയാസം കളി ജയിച്ചു.
മൂന്നാമങ്കത്തില് ഇന്ത്യയുടെ എതിരാളി ദക്ഷിണാഫ്രിക്കയായിരുന്നു. ഇന്ത്യന് സ്പിന്നര് ദീപയുടെ (1-4) മുന്നില് ദക്ഷിണാഫ്രിക്ക 80 റണ്സിനു വീണു. 4 വിക്കറ്റിന്റെ അനായാസ വിജയം ഇന്ത്യ നേടി. 7 വിക്കറ്റിനായിരുന്നു ഇന്ത്യയുടെ മൂന്നാം വിജയം. ഇംഗ്ലണ്ട് ഉയര്ത്തിയ 139 റണ്സ് വിജയ ലക്ഷ്യം അന്ജും ചോപ്രയുടെ ബാറ്റിങ് മികവില് ഇന്ത്യ മറികടന്നു.
തുടര്ന്നുളള കളിയില് ന്യൂസിലന്റിനോട് 16 റണ്സിന് തോല്വിയും വെസ്റ്റന്ഡീസിനെ 8 വിക്കറ്റിന് തോല്പ്പിച്ചുമായിരുന്നു ഇന്ത്യ സെമിയിലേക്ക് യോഗ്യത നേടിയത്. ഓസ്ട്രേലിയയുമായുളള അവസാന ഗ്രൂപ്പ് മത്സരം മഴമൂലം ഉപേക്ഷിക്കുകയും ചെയ്തു.
ഗ്രൂപ്പ് മത്സരത്തില് ന്യൂസിലന്റിനോടേറ്റ പരാജയത്തിനുളള മറുപടി ഇന്ത്യ സെമിയില് ഇന്ത്യ പകരം വീട്ടി. മിതാലി രാജിന്റെ ബാറ്റിങ് മികവില് ഇന്ത്യ ഉയര്ത്തിയ 204 റണ്സിന്റെ വിജയ ലക്ഷ്യം പിന്തുടര്ന്ന ന്യൂസിലന്ന്റ് 164 വീണു. ഇന്ത്യക്ക് 40 റണ്സ് വിജയം.
ഫൈനലില് ഓസ്ട്രേലിയയായിരുന്നു ഇന്ത്യയുടെ എതിരാളി. കരണ് റോള്ട്ടണിന്റെ സെഞ്ച്വറി മികവില് 215 റണ്സിന്റെ വിജയ ലക്ഷ്യമാണ് ഓസ്ട്രേലിയ ഇന്ത്യയ്ക്ക് മുന്നില് വച്ചത്. എന്നാല് മറുപടി ബാറ്റിങിനിറങ്ങിയ ഇന്ത്യയുടെ കളി 117 റണ്സില് അവസാനിച്ചു. 98 റണ്സിന്റെ ദയനീയ തോല്വി.
12 വര്ഷങ്ങള്ക്കിപ്പുറം ഇന്ത്യന് വനിതാ ക്രിറ്റ് ടീം ഒരുപാട് മാറിയിരിക്കുന്നു. ഇത്തവണ സെമിയില് ഓസ്ട്രേലിയയെ 36 റണ്സിന് തകര്ത്താണ് ഇന്ത്യ ഫൈനലിലേക്ക് കുതിച്ചത്. 115 പന്തില് 171 റണ്സുമായി ലോകകപ്പിലെ ഇന്ത്യാക്കാരിയുടെ ഉയര്ന്ന വ്യക്തിഗത സ്കോര് നേടിയ ഹര്മീത് കൗറിന്റെ മികവില് ഇന്ത്യ ഉയര്ത്തിയ 281 റണ്സ് വിജയലക്ഷ്യം പിന്തുടര്ന്ന ഓസ്ട്രേലിയ 40.1 ഓവറില് 245 റണ്സിന് എല്ലാവരും പുറത്തായി. 2005ലെ തോല്വിക്കുളള മധുര പ്രതികാരം.
രണ്ട് വിക്കറ്റിന് ദക്ഷിണാഫ്രിക്കയെ തകര്ത്ത് ഫൈനലിലെത്തിയ ഇംഗ്ലണ്ടാണ് ഇന്ത്യയുടെ ഇതിരാളി.
